Fjala e ministres së Mbrojtjes në ceremoninë e dhurimit te 37 mjeteve të blinduara nga SHBA

Fjala e ministres së Mbrojtjes Olta Xhaçka në ceremoninë e dhurimit të 37 mjeteve të blinduara për Forcat e Armatosura, nga SHBA.

Zonja Moses - Ones, shumë e dashur Leyla, 

të nderuar gjeneralë, 

të nderuar të pranishëm, 

Jam vërtetë e emocionuar është të them pak nga shqipja e mikeshës sonë të çmuar Leyla, patjetër që në momentin e parë mendova që duhet të ketw ndonjë fije familjare që e lidh me Shqipërinë për këtë shqiptim kaq të mirë të shqipes, por edhe nëse jo, në Shqipëri do të jesh gjithmonë në shtëpinë tënde sot edhe gjithmonë e dashur Leyla.

Ju uroj mirëseardhjen të gjithëve në Forcën Tokësore, në ceremoninë e dorëzimit të mjeteve të blinduara “MRAP” nga qeveria amrikane, gjej rastin të falwnderoj edhe t’i shpreh mirënjohjen time edhe të qeverisë së Republikës së Shqipërisë, aleatit dhe mikut tonë të përhershëm strategjik Shteteve të Bashkuara të Amerikës për mbështetjen e vazhdueshme, të qendrueshme dhe bashkëpunimin e ngushtë me Forcat e Armatosura të Republikës së Shqipërisë. 

Ky është një bashkëpunim, i cili shkon shumë përtej në fakt të qenurit pjesë e Aleancës, të cilën ne e vlerësojmë si një histori suksesi në marrëdhëniet midis dy vendeve tona, është një bashkëpunim që daton shumë herët me asistencën e vyer të departamentit të Mbrojtjes dhe të ekspertëve ushtarakw amerikanw për transfomimin e Forcave Tona të Armatosura dhe plotësimin e standarteve për antarësimin në NATO.

Tashmë prej 10 vitesh si anwtarë të NATO ne kemi krijuar profilin tonë si një aleatë serioz dhe i përkushtuar i Aleancës, duke përmbushur shpresoj me shumë korrektesë dhe profesionalizëm shumë nga detyrimet tona.  

Prej vitesh ushtarakët shqiptarë veprojnë si të barabartë sëbashku me aleatët në të gjitha angazhimit, duke u evidentuar si një trup profesioniste dhe e përkushtuar.  

Marrim pjesë sëbashku me aleatët tanë në angazhime në zonat më të nxehta të globit për përmirësimin e realitit me të cilin përballemi. Përballimi me sukses i këtyre sfidave të sigurisë kërkon padyshim rritjen dhe përmirësimin e kapaciteteve tona operacionale si dhe një bashkëpunim mes vendeve aleate dhe partnere. Është një realitet i prekshëm fakti që qeveria e Republikës së Shqipërisë dhe Ministria e Mbrojtjes vijojnë angazhimin për rritjen dhe përmirësimin cilësor të kapaciteteve operacionale të strukturave tona ushtarake dhe veçanërisht të atyre strukturave që janë pjesë e mbrojtjes kolektive të NATO. 

Padyshim dy janë shtyllat tek të cilët ne i kemi përqëndruar përpjekjet tona tek burimet njerëzore dhe tek modernizimi i kapaciteteve. 

Buxhet i Mbrojtjes së miratur për këtë vit, i cili është në përputhje me angazhimet tona na mundëson që të punojmë dhe të investojmë në të ardhmen e Forcave Tona të Armatosura nëpërmjet disa shtyllave të programit të mbrojtjes dhe në këtë ndërmarrje ambicioze kemi sërish ndihmën e vyer dhe të pakursyer të SHBA-ve. Kjo paketw ndihmash që na është ofruar është një materializmi i shkëlqyer i kontributit të Shteteve të Bashkuara të Amerikës për rritjen e standarteve të Forcave të Armatosura të Republikës së Shqipërisë, kjo paketw përkthehet në më shumw cilësi kapacitetesh, në më shumë angazhime të përbashkëta dhe sigurisht në më shumë siguri si për vendin tonë ashtu edhe për Aleancën. Armatimi i ri, sipas standartit të NATO, paketa e automjeteve te blinduara Hamvi dhe së fundi edhe MRAP që po ju shtohen inventarit të pajisjeve të Forcave tona të Armatosura, po e ndryshojnë cilësisht realitetin e përditshëm të punwve të ushtarakëve tanë si dhe po rrisin dita – ditës performancën e tyre gjatë ushtrimit të detyrave në teatrot e operacioneve ku ata marrin pjesë.

Këto mjete do të mundësojnë zgjerimin e spektërit të detyrave dhe misionit të trupave tanë dhe do të rrisin sigurinë e personelit sidomos ndaj minave dhe mjeteve shpërthyese të improvizuara, i cili konsiderohet tashmë si një prej kërcenimeve me të pranishme në mjedisin operativ. 

Pajisja me mjete moderne po përmireson kapacitet dhe po formësojnë dita - ditws dy nga strukturat tona elitare të FA-ve, Grup - Batalionin e Këmbësorisë së Lehtë dhe Grupin e Operacioneve Speciale. 

Unë shpreh bindjen se ushtarakët që do të përdorin këto mjete do të dinë ta përligjin këtë investim duke u trajnuar me profesionalizëm, por edhe duke i mirëmbajtur ato ashtu siç duhet. 

Duke falwnderuar qeverinë e Shteteve të Bashkuara të Amerikës, Deparatamentin e Mbrojtjes si dhe taksapaguesit amerikanw për mbështetjen e pakursyer ofruar deri mw tani, dua t’i siguroj se ne do të vazhdojmë mw tej dhe do të thellojmë bashkëpunimin në të ardhmen. 

Edhe një herë faleminderit nga zemra  e dashur Leyla, për angazhimin tuaj personal, por edhe Zyrës së atasheut ushtarak  Hilton për kujdesin e veçantë dhe për mbështetjen e pakursyer për modernizimin e Forcave tona të Armatosura. 

Faleminderit të gjithëve!




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31