Fjala e ministres Xhaçka në ceremoninë e inaugurimit të Qendrës Stërvitore të Forcës Tokësore

Jam vërtet shumë e kënaqur me atë që pashë sot këtu. Rikonstruksioni i kësaj qendre, e mbi të gjitha rikonceptimi i saj sipas një modeli të ri, që më së shumti nuk sjell një investim të përmasave të mëdha, por sjell shumë përkushtim, zemër edhe dëshirë për ta sjellë në parametrat e një gjëje vërtet njerëzore, që ju bën nder, në fakt, të gjithë atyre që marrin trajnimet dhe leksionet e tyre këtu. Sigurisht që rikonceptimi i kësaj qendre sipas këtij modeli të ri është, ka qenë, gjithmonë një projekt i rëndësishëm dhe unë jam shumë e kënaqur që më së fundmi po merr ato përmasa që duhet të marrë.

Sot jam me të vërtete e impresionuar me atë që pashë gjatë kësaj vizite dhe gjatë këtij inspektimit, me punën që është bërë për t’i dhënë kësaj qendre këto ambiente, këto klasa, këto kabinete dinjitoze, siç i takon një ushtrie moderne. Mbi të gjitha, jam optimiste më shumë se kurrë se kemi hedhur një hap shumë të rëndësishëm drejt rritjes së profesionalizmit dhe modernizimit të gjithë Forcës tonë të armatosur Tokësore.

Gjatë 10 viteve që kanë kaluar nga anëtarësimi Shqipërisë në NATO është bërë një punë vërtet e madhe për të transformuar Forcat tona të Armatosura dhe ju, jeni të gjithë dëshmitarë të kësaj, për të shkundur njëherë e mirë trashëgiminë ideologjike të ish - regjimit, por edhe abuzimin e kaosin që sollën vitet e fundit të tranzicionit. Është e kuptueshme që një pjesë e madhe e debatit, e shqetësimeve, apo dhe e kritikave është fokusuar tek ato që kanë qenë pjesët e dukshme të problematikave me të cilat është përballur ushtria jonë. Nga pajisjet tek cilësia e mjediseve, te mungesa e armatimeve apo sistemeve moderne.

Sigurisht që të gjitha këto janë të domosdoshme për një ushtri moderne dhe falë mbështetjes së qeverisë, por edhe bujarisë të aleatëve dhe partnerëve, shumë nga këto mangësi të akumuluara ndër vite po kompensohen. Ushtria jonë është sot një forcë më e aftë se kurrë për misione serioze, krah për krah ushtrive më moderne në botë, i cili është një fakt që e kemi dëshmuar në të gjitha misionet dhe operacionet ku kemi qenë nga Kosova e Bosnja, tek deti Egje, tek Afganistani i largët, Letonia, Mali etj.

Një nga kabinetet e kësaj qendre në fakt, do të ketë si funksion të saj përgatitjen e personelit që do të marrë pjesë në misionet e Kombeve të Bashkuara. Ndërkohë që vetëm ditën e hënë, akti normativ për buxhetin e vitin 2019 miratoi një fond shtesë prej 300 milion lekësh të dedikuar krejtësisht për mbështetjen e misioneve të FA në botë.

Siç kanë treguar edhe këto misione, pajisjet, sistemet, sigurisht janë shumë të rëndësishme, por një forcë e armatosur është mbi të gjitha: burrat dhe gratë, ushtarët dhe oficerët në radhët e saj. Prandaj është punuar shumë, është përpjekur shumë, qoftë me mundësitë që kemi, qoftë me ndihmën e partnerëve, që mbi të gjitha të investojmë tek potenciali njerëzor i FA, edhe prandaj jam e impresionuar me çfarë pashë sot këtu, sepse është realisht dëshmi e kësaj. Ne duam vetëm më të mirët, por sigurisht më të mirëve, djemve dhe vajzave më të talentuar që ofron sot Shqipëria, apo që i kemi në FA ne i detyrohemi një arsimin dhe një formim profesional, të të njëjtit standard me çdo vend të Aleancës. Është kjo arsyeja përse Qendra Stërvitore do të punojë me disa koncepte të reja të NATO-s, siç janë rritja e aftësive të luftëtarëve për të luftuar të vetëm apo intensifikimi i përgatitjes fizike me norma të reja si ato që përdor ushtria amerikane.

Gjeneral Mullai më tregoi konkretisht disa nga videot dhe disa nga trajnimet nga leksionet, që janë duke u shfaqur, që janë që janë teknika të reja dhe kjo është vërtetë për t’u përgëzuar. Dua t’ju uroj shumë suksese edhe të 11 kursantëve që kanë përfunduar sot Kursin e Avancuar të Nënoficerit dhe që plotësojnë sot kushtin sot për të konkurruar në komisionin e karrierës për gradën e rreshterit, duke nisur kështu rrugëtimin për një karrierë të mirëfilltë në korpusin e oficerëve të FA. Dua t’ju them sot hapur diçka që çdo ushtarak karriere kudo në botë e di fare mirë, korpusi i oficerëve profesionistë janë në fakt shtylla kurrizore e çdo force moderne. Janë ata që jo vetëm drejtojnë, por mbi të gjitha përçojnë tek çdo efektiv dijet e përfituara nga arsimimi e formimi në qendra si kjo që po inaugurojmë sot.

E preka pak më lart, faktin që sot efektivët e FA, janë duke marrë pjesë në një sërë misionesh anembanë botës. Dhe ky është një fakt shumë i rëndësishëm, sepse falë këtij angazhimi Shqipëria jo vetëm po përmbush detyrimet e saj ndaj NATO, por edhe është kthyer në një eksportuese sigurie dhe stabiliteti kudo që ka lindur nevoja, çka sigurisht duhet të na bëjë krenarë të gjithëve. Ashtu siç duhet të na bëjë krenarë fakti, që perfomanca e efektivëve tanë ka merituar respektin dhe mirënjohjen e të gjithë aleatëve.

Por kjo është edhe një mundësi shumë e mirë për çdo ushtarak shqiptar për të përfituar nga përvoja dhe ekspertiza e kolegëve të tyre nga ushtritë më moderne dhe më profesionale të botës. Dhe pse jo, për të ndjekur një karrierë në hapësirën e madhe të mundësive që ofron sot NATO apo edhe Kombet e Bashkuara ku, Shqipëria do të marrë sërish pjesë pas një shkëputje shumë shumë të gjatë shumëvjeçare.
Prandaj, ju uroj suksese në punën tuaj. Ju uroj të punoni sa më fort duke e ditur që mbani mbi shpatulla jo thjesht përgjegjësinë për të kryer detyrën tuaj apo për të çuar përpara karrierat tuaja personale, por të ardhmen e të gjithë Forcave tona të Armatosura, të modernizimit dhe transformimit të tyre dhe përmes tyre, edhe rritjen e dinjitetit dhe respektit të vendit tonë si një kontribues serioz në garantimin e sigurisë kolektive të Aleancës.




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31