Fjala e plotë e ministrit të Mbrojtjes z. Niko Peleshi në Komisionin e Sigurisë Kombëtare për Projektbuxhetin e Mbrojtjes për vitin 2022

Detyrimi në NATO në raport në buxhetin nuk ka vetëm një shifër, nuk ka vetëm 2% ka edhe një shifër tjetër, që do të thotë: 20% e këtij buxheti duhet të përdoret për investime. Sa i përket kësaj shifrës së dytë, ne e kemi kapur. Që në vitin 2021 përqindja e buxhetit të alokuar për investime është 20,46%. Në 22 shkon 31,38%. Pastaj 29% pastaj sërish 31,26%. Pra 50% me tepër se sa është kërkesa edhe detyrimi i raportuar në NATO.

Folur në shifra, Buxheti i Ministrisë së Mbrojtjes në vlera absolute për vitin 2022 parashikohet të jetë 32,6 miliard Lek, duke pësuar një rritje prej 7,9 miliard Lek ose 32% më shumë në krahasim me vitin 20-21, e cila konsiston në: rritjen e shpenzimeve korrente në vlerën 2,7 miliard Lek ose 14% më shumë se viti 2021dhe rritja e shpenzimeve kapitale prej 5,2 miliard Lek ose 102% më shumë se viti 2021.

Buxheti i vitit 2022 është sa 1,75% e Produktit të Brendshëm Bruto, buxheti i akorduar plotëson nevojat e Forcave të Armatosura në kuadër të direktivave për mbrojtjen, angazhimeve ndërkombëtare dhe sigurisë kombëtare, natyrisht si kudo, si në çdo sektor, aq më tëpër në sektorin e sigurisë kombëtare dhe mbrojtjes kërkesat janë gjithmonë më të mëdha se mundësitë, por e rëndësishme është që ne jemi në pritshmëritë edhe të Aleancës dhe le të themi po ecim kënaqshëm drejt plotësimit të objektivave dhe kapaciteteve, të cilat kërkojnë buxhete disavjeçare dhe nuk arrihen me buxhetin e një viti, po ky buxhet është një progres i rëndësishëm drejt këtyre objektivave.

Rishikimi i planit afatgjatë të zhvillimit të FA (PAZH) si dhe dokumentet strategjikë mbi të cilët bazohet veprimtaria e FA, do të orientojnë transformimin e FARSH për garantimin e sigurisë dhe përballimin e të gjithë skenarëve të kërcënimeve.
Në këtë drejtim janë prioritizuar kapacitetet me fokus kapacitete të përdorshme, fleksibile dhe ndërvepruese duke përcaktuar nivelet në të cilin duhet të zhvillohet çdo kapacitet të shoqëruar edhe me nevojat për burime. Kërkesat prioritare në programet e modernizimit mbështesin projektet kryesore të FA, kryesisht atyre të njësive luftuese dhe atyre mbështetëse.

Po përmend nëntë drejtimet kryesore, mbi të cilat është fokusuar detajimi buxhetor për vitin 2022, që janë:

1. Mbështetja për personelin;
2. Modernizimi dhe Infrastruktura;
3. Arsimimi dhe kualifikimi;
4. Gatishmëria dhe mirëmbajtja;
5. Stërvitjet;
6. Strukturat dhe angazhimet ndërkombëtare;
7. Mbështetja me mallra e shërbime dhe mbështetja administrative;
8. Mbrojtja Civile;
9. Operacionet brenda dhe jashtë vendit.

Prioritet kryesor për mbështetjen me burime mbrojtje të kategorive të mësipërme janë për programet buxhetore:

• Forcat e Luftimit ose 41% e shpenzimeve totale janë për këtë program;
• Mbështetja e Luftimit ose 26% e shpenzimeve janë për këtë program;
• Strukturat e tjera të FA-së në të cilat përfshihen programet buxhetore të tjera në masën 16% të shpenzimeve;
• Mbështetja Sociale për Ushtarakët në masën 17%.

Tek Mbështetja për personelin kam kënaqësinë t’ju komunikoj në komision se ne kemi parashikuar rritjen prej 30% të pagës për gjithë personelin e FA. Është një rritje e qenësishme historike, nuk ka patur deri më sot një rritje të tillë kaq të madhe të pagës. Besoj që me këtë rritje paga duke filluar nga ushtari i thjeshtë e deri tek gjenerali, rroga bëhet dinjitoze e krahasueshme, madje, edhe të kalueshme me vende te tjera, që ne matemi për sa i përket stadit të zhvillimit ekonomik dhe shoqëror, në rajon dhe në Ballkanin Perëndimor. Kjo do të na bëjë edhe më të motivuar për të gjitha llojet e operacioneve dhe aktiviteteve qofshin këto ushtarake, po ashtu edhe civile apo si quhen ndryshe të bashkëpunimit civilo - ushtarak, emergjenca civile, mbrojtja civile, etj.

Modernizimi i Forcave të Armatosura
Projektet kryesore në kuadër të modernizimit të Forcave të Armatosura dhe të përmirësimit të infrastrukturës për punë dhe stërvitje, të cilat janë planifikuar për vitet e parashikuara në ligjin e buxhetit 2022 në këtë buxhet janë:

 -  Projekti i punimeve infrastrukturore ndihmëse dhe ndërtimit të perimetrit të sigurisë në bazën e Kuçovës. E dini që projekti më i rëndësishëm në kuadër të infrastrukturës sonë është ndërtimi i bazë taktike te Kuçovës, që do të jetë një bazë taktike e NATO-s, investimi kryesor, realizohet nga fondet e NATO, tashmë të prokuruar nga Agjencia e Prokurimit të NATO-s në masën 40 milion euro. Së shpejti nisin punimet. Janë përzgjedhur nga NATO kontraktorët, ne na duhet të bëjmë, pra është detyrimi ynë të bëjmë një pjesë të punimeve, pra diçka më shumë se 10% përballohet nga buxheti ynë. Kemi gati projektin. Është parashikuar buxheti si e thashë edhe pak më lartë. Jemi në prag të fillimit të punës për ndërtimin e perimetrit të sigurisë. Si dhe punime të tjera si shpronësimet që janë detyrimi i Shqipërisë në këtë projekt.
-  Kompletimi i Batalionit të Dytë të Këmbësorisë është një kapacitet i NATO-s VJTF (Very High Readiness Joint Task Force) me armatim, municion e pajisje standard NATO, 2,100 milion Lek, jemi drejt plotësimit të këtij kapaciteti, ende larg realzimit 100% të tij, por në mos gabohem është vitit 2025 ai viti i deklaruar kur duhet të përfundojë kompletimi i këtij batalioni që si e thashë, si është objektiv kapaciteti i deklaruar në NATO.
 -  Infrastruktura e Forcës Tokësore, projekte të iniciuara në vitin 2021 do të vazhdojnë të buxhetohen me një vlerë prej 600 milion Lek;
 -  Transponderi ushtarak për Forcën Ajrore është parashikuar të realizohet këtë vit në vlerën 450 milion Lek;
 -  Sistemi i Mbrojtjes Ajrore të bazuar në tokë (GBAD/SHORAD) faza e parë 90 milion Lek në dy vite buxhetore;
 -  Rinovimi dhe përmirësimi teknologjik i sistemeve të SIVHD, 285 milion Lek, për përditësimin e sistemeve hard dhe soft të këtij sistemi;
 -  Rinovimi disa sistemeve të AISM, 105 milionë Lek;
 -  Digjitalizimi i Arkivit të Forcave të Armatosura dhe Aparatit të Ministrisë së Mbrojtjes, 295 milion Lek;
 -  Menaxhimi i Fatkeqësive Natyrore në programin “Emergjenca Civile” 830 milion Lek;
 -  Ndërtimi i hangarëve për helikopterët e rinj "Black Hawk" 250 milion Lek. Siç e dini kemi kontraktuar blerjen e dy helikopterëve "Black Hawk", të cilët pritet të vijnë në rastin më të mirë në fund të vitit të ardhshëm, ose në fillim të vitit 2023. Ndërtimi i hangarëve do të fillojë të ndërtohet këtë vit që të jetë gati kur të mbërrijnë helikopterët.
 -  Rikonstruksione në fasilitetet e Komandës Mbështetëse (10 objekte) 170 milion Lek;
 -  Kompletimi i Kompanisë EOD me pajisje speciale të IEDD 132 milion Lek;
 -  Modernizimi i mjeteve të transportit dhe speciale 716 milion Lek;
 -  Projekte dhe rinovime të sistemeve të teknologjive të informacionit, 385 milionë Lek, etj.

Sa i takon drejtimit tjetër Arsimimi dhe Kualifikimi kemi parashikuar një vlerë prej 500 milion Lek në buxhet. Sepse kemi projekte ambicioze në fushën e edukimit. Edukimi ushtarak është tani prioritet për ne, keni dëgjuar beso,j të flasim për Akademia e Forcave të Armatosura edhe për përpjekjet për të ndërtuar partneritete të rëndësishme me akademi të rëndësishme, si është edhe akademia ushtarake e “West Point”. Në SHBA kemi zhvilluar një vizitë shumë të suksesshme me kryeministrin e vendit zotin Rama dhe synojnë që të rimodelojmë akademinë tonë sipas modelit të “West Point”. Kjo do të thotë që ne në akademi të vijojmë traditën e prodhimit të oficerëve pra të ushtarakëve në fushën e shkencave ushtarake, por të hapim edhe programe të tjera.

Të pajisur me njohuri të shkencave ushtarake, por të hapim edhe programe të tjera pra të kemi "major" program siç quhen, të tjera si është p.sh. teknologjitë e informacionit në bachelor dhe navigacionit detar, janë dy bachelorë të rinj që i hapim prej këtij viti. Janë rekrutuar studentët. Unë dje kam patur një takim me ta në Bunavi sëbashku me studentët e vitit të dytë duke bërë atë fazën e trajnimit të parë. Pra këtë vit fillojmë me tre bachelor-ë, Bachelor i Shkencave Ushtarake, Bachelor i Teknologjive të Informacionit, Bachelor i Navigacionit Detar dhe do të vazhdojmë ne këtë rrugë duke e modeluar dhe me asistencën e Akademisë West Point. Para pak ditësh ka mbërritur një ekspert, që po na asiston në grupin e punës për këtë ristrukturim, nga New Jersey. Kemi një partneritet me Gardën e New Jersey-t. Para dy muajsh kremtuam edhe 20 - Vjetorin e këtij bashkëpunimi të suksesshëm; pra këto janë disa nga drejtimet.

Përsa i përket implikimeve buxhetore natyrisht akademia sot nuk ka një kampus të vetin dinjitoz, ndodhet pranë garnizonit, po ku tashmë është Ministria e Mbrojtjes, Shtabi i Përgjithshëm ASM, Agjencia e Mbrojtjes Civile dhe institucione të tjera, pra nuk ka hapësirën e nevojshme. Kështuqë planifikojmë të ndërtojmë një kampus të ri, ky buxhet shkon kryesisht në punimet e kampusit të ri, një korpus klasash një konvikt, fjetore për studentët dhe më pas do të hartojmë një master plan afatgjatë 10 - vjeçar si do zhvillohet ky kampus, drejt atij modeli që thashë, pra modelit të West Point.

Kemi dhe një zhvillim tjetër në fushën e arsimit, ku ne zhvillojmë disa kurse të nivelit të lartë të oficerëve, pra që janë të domosdoshme për përparimin e tyre ne karrierë, objektivi ynë është që brenda 3 vitesh të gjitha këto kurse të jenë në anglisht dhe të jenë rajonale. Kemi bërë provën e parë me Kursin e Sigurisë dhe Mbrojtjes, i cili është niveli më i lartë i kurseve tona, e bëjmë në anglisht dhe, me shumë sukses, do të thoja unë. Kemi arritur të kemi shumë studentë, sot që flasim, ky kurs është në proces nga vende të ndryshme të NATOS-s dhe jo vetëm, nga Gjermani, Anglia, Greqia edhe Gjeorgjia dhe vende të tjera, pra është një kurs në anglisht ndërkombëtar, së bashku me kurset e tjera, siç e thashë brenda 3 vitesh do të jenë në anglisht, ne do t'i paketojmë në formën e një Kolegji të Lartë të Mbrojtjes, i cili do të jetë rajonal. Unë personalisht kam bërë bisedime me të gjithë homologët në rajon me ministren e Maqedonisë, ku kisha një vizitë bilaterale para pak ditësh, me ministrin e Mbrojtjes Kosovës, me ministren e Malit të Zi dhe të tjerë jashtë rajonit tonë, për të zhvilluar atë që quhet "Smart Defence", apo për të ekonomizuar burimet tona të Mbrojtjes.

Në rast se Shqipëria fokusohet në shkollim, atëherë Kosova mund të fokusohet diku tjetër dhe ne përfitojmë nga kapacitetet e ndërsjella. Smart Defence tani është një fjalë goxha e përdorur në hapësirën e NATO-s dhe ne gjithashtu duam të marrim avantazhet tona në këtë koncept të ri.

Programi tjetër Gatishmëria dhe Mirëmbajtja: fondet në dispozicion për vitin 2022 sigurojnë operacionalitetin e FA në këtë mënyrë fondet e akorduara do të përdoren për mirëmbajtjen e helikopterëve Cougar edhe gjithë Flotës Ajrore të FA në vlerën 350 mln Lek, mirëmbajtjen e anijeve të klasit Iliria dhe gjithë Flotës Detare të FA 140 milion Lek, uniformat për personelin ushtarak të FA, sigurimin e jetës, këtu nuk kam vlerë, sepse janë akoma ende duke shqyrtuar normativat dhe nuk është gjeneruar kërkesa, sigurimin e jetës së personelit të FA në misionet ushtarake dhe përfaqësimin jashtë vendit për ajrore dhe detare 460 milion Lek, furnizimi i FA me karburant lubrifikant 360 milion Lek.

Te gatishmëria dhe mirëmbajta më lejoni të them disa shqetësime dhe mendime aq sa mund të flasim me detaje duhet ta pranojmë që nuk jemi aty ku duhet sa i përket gatishmërisë qoftë mjeteve ajrore qoftë mjeteve detare të mirëmbajtjes. Mirëmbajtja është një sfidë, nuk e them për justifikim, edhe e vendeve të tjera më të zhvilluara se ne, pra nuk ka receta se cila është rruga më e mirë ta zhvillosh mirëmbajtjen me kapacitete të brendshme apo sic quhen në anglisht IN House apo ta delegosh atë tek të tjerët. Ne sot që flasim kemi nivele jo të mira të gatishmërisë sidomos në Forcën Ajrore, sepse disa nga kontratat e mirëmbajtjes nuk kanë performuar sic duhet nuk janë përgjigjur operatorët në kohë. Ne po tentojmë ta heqim ta cojmë te struktura më të specializuara kontraktimi prokurimin e mirëmbajtjes. Në kuadrin ligjor të prokurimeve ushtarake parashikohet prokurimet shtet me shtet pra delegimi te një shtet tjeteër i NATO-s apo te strukturat e specializuara të NATO-s për prokurime sic është Agjencia NSPA kështu që ne e emi filluar me një helikopterë të cilën e kemi cuar në NATO ka ecur shumë mirë deri tani sepse ajo strkturë bën kontrata kuadër dhe natyrisht ka dhe çmime m të mira, shërbim më cilësor kanë eksperiencë kanë kapacitete kanë eksperiencë institucionale natyrisht shumë më të mirë se ne dhe dinë të hartojnë kontrata dhe të kërkojnë detyrimin e tyre më mirë se sa strukturat tona mund ta bëjnë atë. KËshtu që kemi cuar helikopterin e parë dhe po përgatisim të cojmë dhe dy helikopterë të tjerë ti cojmë në NATO dhe ti ti bëjën ato prokurimet tona dhe jo ne. Shpresoj që do jetë me mirë sesa ne oferta që kemi marë nga ANSPA për helikopterin e parë përtej pritshmërive tona ishte goxha konkurruese me të gjitha shërbimet e tjera që i kemi marrë duke i prokuruar vet edhe kjo është e kuptueshme sic e thashë sepse ata kanë kontarta kuadër dhe fuqi negociuese dhe blerëse shumë më të madhe dhe më të mirë sesa e jona. Paraleisht me këtë duam të punojmë dhe ngritur sic duhet kapacitete e brendshme të mirëmbajtjes nuk mund të pretendojmë që ti bëjmë të gjitha nivelet e mirëmbajtjes vetë por të paktën niveli i parë i mirëmbajtjes detyrimisht duhet të bëhet nga forcat tona me kapacitet tona të brendshëm dhe ky është një nga drejtimet ku po punojmë.

Stërvitjet kombëtare dhe ndërkombëtare

Kemi zhvilluar me shumë suksei stërvitjen Defender Europe 2021. Ishte një ngjarje shumë e rëndësishme për ne që nuk ka lidhje as me njërën parti e as me tjetrën, as me një qeveri e as me një tjetër sepse këto janë investime që e kanë shtrirjen shumë afatgjatë përtej karrierës tonë politike. Ne kemi faktuar që jemi një partner i rëndësishëm strategjik shumë i rëndësishem për NATO-n, madje para pak ditësh kemni zhvilluar një konferencë për ‘Defender 2023’ ku me shumë gjasa do të jemi sërish vend pritës i kësaj stërvitje me përmasa shumë të mëdhaja. Njëkohësisht zhvillimi i stërvitjeve në rrafsh kombëtar gjen mbështetje në planifikimin e bërë nga Shtabi i Përgjithshëm i Forcave të Armatosura në të gjithë drejtimet e Mbrojtjes.

Strukturat dhe angazhimet ndërkombëtare

Përmbushja e angazhimeve si vend anëtar i NATO-s, roli dhe kontributi i Shqipërisë në Aleancë nëpërmjet përfaqësimit dinjitoz, angazhimit në operacione si dhe ofrimit të infrastrukturës dhe kapaciteteve fizike kombëtare, pjesëmarrja aktive në misione të përbashkëta me NATO, BE, OKB, nё stёrvitje tё NATO-s në kuadër tё bashkёpunimit dypalёsh dhe rajonal do të jenë fokus kryesor gjatë vitit 2022.

Konkretisht buxheti i parashikuar mundëson plotësimin e kërkesave për, përfaqësitë/shtabet dhe aktivitetet me NATO duke siguruar mbështetjen e personelit ushtarak e civil të angazhuar në shtabet e NATO-s, Përfaqësitë Ushtarake, Atashetë Ushtarakë dhe strukturat ushtarake rajonale.

Pjesëmarrja në iniciativat e sigurisë rajonale si Ministeriali i Mbrojtjes së Evropës Juglindore - SEDM, Qendra për Bashkëpunim dhe Siguri - RACVIAC.

Një pikë tjetër e rëndësishme është Mbështetja me mallra e shërbime dhe mbështetja administrative. Fondet e planifikuara në artikullin 602 “Mallra e Shërbime” do të realizohen. Përmbushja e procesit të trajnimit të personelit të Forcave të Armatosura në fokus të menaxhimit të mjeteve të reja ajrore, helikopterët Black Hawk të cilat do të jenë në përdorim të Forcave të Armatosura. Shpenzime për demilitarizimin - demontimi në uzinat ushtarake të vendit. Materiale për Batalionin e Xhenios të cilat përdoren në ndihmë të komunitetit, këtu e kam fjalën për ndërtime urash bailey si dhe materiale të ndryshme konsumi, etj.

Vijmë te Mbrojtja Civile, një nga drejtimet më vizibël të aktivitetit tonë.

Kemi lajme të mira edhe në këtë fushë pasi buxheti do të mbështesë financiarisht mbi 20 milionë dollarë për Emergjencat Civile. 2,1 miliardë buxhet për Emergjencat Civile, i cili do të ndahet në 1,1 miliardë si transfertë e kushtëzuar për bashkitë, sipas peshës specifike që buxheti i çdo bashkie ka në totalin e buxhetit vendor do të ndahet me formulë. Ndërkohë fondi prej 800 milionë Lek për investimet në fushën e Mbrojtjes dhe parandalimit të emergjencave civile, i cili do të transferohet tek bashkitë për projekte, që do të seleksionohen nga një komitet që do të ngrihet dhe do të bëjë përzgjedhjen e propozimeve nga njësitë vendore. Jetësimi i projektit të financuar nga Bashkimi Evropian "To be ready” do të jetë një kapacitet i shtuar për menaxhimin e Emergjencave Civile. Gjithashtu, do të forcohen kapacitetet e burimeve njerëzore të AKMC, si dhe do të ngihen ambientet e reja të punës nëpërmjet një godine bashkëkohore. Në Forcat e Armatosura do të krijohet kapacitetet operacionale modulare dhe organizimi për detyrë sipas llojit të EC, të gatshme, të dislokueshme dhe të ndërveprueshme për kryerjen e operacioneve.

Operacionet brenda dhe jashtë vendit.

Pjesëmarrja në operacionet e NATO-s do të vijojë duke rritur nivelin e angazhimit të FA, në operacionet e Aleancës në Kosovë apo në operacionet e BE-së në Bosnjë-Hercegovinë dhe Mali, OKB-së në Sudanin jugor si dhe pjesëmarrja në misionet e iniciativat e reja që NATO mund të ndërmarrë, në Irak.




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31