Intervistë nga Vlora e ministrit të Mbrojtjes, zotit Niko Peleshi, në përfundim të mbledhjes së Komitetit të Mbrojtjes Civile mbi situatën e zjarreve në vend.

Peleshi: Para pak çastesh kemi përfunduar mbledhjen me Komitetin e Mbrojtjes Civile, i cili për dijeninë tuaj drejtohet nga ministri i Mbrojtjes. Ky komitet është thirrur nga unë  për të marrë në shqyrtim e për të diskutuar për zgjidhjet, si edhe për të rritur bashkëpunimin me gjithë institucionet për gjithë situatën e krijuar në të gjithë vendin dhe veçanërisht këtu në qarkun e Vlorës nga zjarret e ditëve të fundit. 

Në Komitetin e Mbrojtjes Civile marrin pjesë pjesa më e madhe e kabinetit qeveritar, ku patëm sot mundësinë të diskutojmë me kolegët ministra, por edhe me prefektin e qarkut të Vlorës, i cili është në krye të punëve dhe dua ta falënderoj para të gjithëve, për të bashkërenduar forcat e pushtetit vendor, forcat qendrore, forcat tona të Ministrisë së Mbrojtjes pra Forcat e Armatosura që kanë qenë prezentë në të gjitha operacionet për shuarjen e vatrave të zjarrit në të gjithë vendin. 

Nuk po zgjatem sepse sot paradite kam pasur një komunikim nga Baza e Pashalimanit me mediat për situatën në të gjithë Shqipërinë. Tani që flasim vatra më serioze është ajo e Karaburunit. Kemi arritur të shmangim avancimin e zjarreve drejt Bazës së Pashalimanit. Dhjetëra efektivë të FA kanë punuar aty sot së bashku me forcat nga pushteti vendor, por shqetësimi i fundit të cilin e kemi diskutuar edhe në hartë së bashku me komandantin e Forcës Mbështetëse për Mbrojtjen Civile edhe me kolegë të tjerë, edhe më prefektin, është shqetësimi i vatrës së zjarrit mbi Dukat, sepse ne jemi akoma rreth dy kilometra larg Parkut të Llogarasë, por ne duam të shmangim me çdo kusht shtrirjen e zjarrit në këtë park. Jemi duke parë edhe mundësinë e metodave teknike apo inteligjente për shmangien e përhapjes së zjarrit, kemi konsideruar shtimin e forcave tokësore dhe nesër, do të kemi një shumëfishim të efektivëve të Forcave te Armatosura. Kemi diskutuar dhe marrë vendim, të cilin po e them tani për herë të parë, që t’i japim mundësi strukturave tona dhe konkretisht Agjencisë Kombëtare te Mbrojtjes Civile të përdorë jo vetëm burimet financiare dhe forcat e institucioneve që kanë në varësi, por edhe burime financiare shtesë për të marrë shërbim nëse do të jetë e nevojshme nga shtetet fqinj, nga operatorët privatë, nga të gjithë kapacitetet që janë në dispozicion. Lajmi jo shumë i mirë është që nuk është se ka shumë kapacitete në dispozicion nga vendet fqinj sepse janë përfshirë në emergjenca shumë më të rënda se tonat, kam parasysh Turqinë, Greqinë, Italinë, Kroacinë ku sot kam folur me Ministren e Mbrojtjes së Kroacisë para dy orësh, kam kërkuar mbështetjen me hidroplan, nuk kanë patur mundësi të na përgjigjen menjëherë, por gjithsesi jemi në radhë për t’i përdorur sapo të lirohet një kapacitet. Do të përdorim edhe nesër gjatë ditës helikopterë nga operatorë të tjerë, veç mjeteve që kemi ne në dispozicion dhe shpresojmë që gjatë ditës së nesërme, besoj, do të jenë tre helikopterë në përdorim deri pasditen e vonë, por nuk është se helikopterët janë zgjidhja përfundimtare.
Së pari që në orët e para të mëngjesit, komandanti bashkë me trupat e tij në 4:00 të mëngjesit do të niset drejt zonës së pyllit mbi Dukat, do të ecin 4-5 orë, aty ku është vatra, për të parë se cilat metoda janë më të përshtatshme për t’u aplikuar për shmangien e përhapjes së zjarrit drejt Parkut të Llogarasë, që nuk duhet të lejohet me asnjë mënyrë. 

Gazetar: Zoti Peleshi pse në ditën e 12 kjo ndërhyrje, pse nuk është vlerësuar më parë? 

Peleshi:Nuk është dita e 12, e para, e dyta, kjo situatë nuk ka qenë për ditë me radhë. Gjatë këtyre ditëve që ju përmendni, ka patur operacione në të gjithë Shqipërinë, Me qindra forca të angazhuara, mbi 200 kanë qenë vetëm këtu në Vlorë, 80 kanë qenë në Fier, ku aty kemi patur dy situata shumë të rënda vatrash me sipërfaqe shumë të madhe përhapje të zjarrit. Kemi patur dy situata të vështira në Ksamil dhe në Përmet madje do të thoja që ato kanë qenë më të rrezikshme sa i përket afërsisë me zonat e banuara. Forcat tona të Armatosura kanë qenë aty prezente, kanë qenë edhe akoma më herët nga fillimet e zjarreve në malin e Tomorrit. Kemi qenë aty jo vetëm me forcat, por edhe me fluturime ajrore prej dhjetëra orësh. Sot në Vlorë ka patur 93 fluturime të helikopterit të FA, pra nuk kemi qenë në asnjë moment në pritje. 

Gazetar: : Sa është kapaciteti i helikopterëve, ose pajisjeve që mund të ndërhyjnë nga ajri në shtetin shqiptar? 

Peleshi: Për momentin ne kemi një numër të kufizuar helikopterësh të përshtatshëm për ndërhyrje. Natyrisht, kur ka situata të tilla edhe Turqisë nuk i mjaftojnë, Greqisë nuk i mjaftojnë, Italisë  nuk i mjaftojnë, kërkojnë mbështetje. Ne kemi 1 helikopter me kapacitet 2000 litra ujë i cili vlen në këtë situatë, ndërkohë, siç e thashë, nesër edhe me procedurën që po bëjmë për të kontraktuar operatorë të tjerë gjatë gjithë ditës, do të kemi 3 helikopterë që do të punojnë. 

Gazetar: Nëse ndërhyhet me kapacitete të plota, kur pritet që të zgjidhet situata në Karaburun, ose të paktën cilat janë pritshmëritë që keni ju paraprakisht? 

Peleshi:Nuk mund të flasim pa patur një vëzhgim profesional. Nesër në orët e para të mëngjesit, besoj, do të jemi të gatshëm të bëjmë projeksionet tona, por pa shkuar aty në vend specialistët, nuk flasim dot. Siç e thashë, rreziku që ne duam të shmangim me çdo kusht është përhapja e zjarrit drejt Parkut të Llogarasë. Vatrat e tjera i kemi nën kontroll.

Kemi patur një situatë jo të lehtë, flas për zjarret që po i afroheshin Bazës së Pashalimanit. Prefekti ka qenë në krye të punës, e falënderoj përsëri, së bashku me dhjetëra efektivë të FA për t’i fikur ato vatra dhe tani që flasim janë totalisht jashtë rrezikut.
Pra, kemi patur sukses në Fier, Ksamil, Përmet. Kemi shmangur më të keqen dhe i kemi zgjidhur ato në kohë.
Kemi patur sukses gjithashtu në Mamurras, në orët e para të mëngjesit, është fikur edhe atje një vatër e rrezikshme.
Jemi përqendruar këtu! Kemi edhe 2-3 vatra të tjera në Shqipëri, por kjo është më seriozja.




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31