Ministri i Mbrojtjes Niko Peleshi dhe shefi i Shtabit të Përgjithshëm të Forcave të Armatosura gjeneralmajor Arben Kingji zhvilluan një bisedë online me efektivët shqiptarë, që kontribuojnë në misionet tona jashtë vendit.
Ministri i Mbrojtjes Niko Peleshi iu bashkua festës së fëmijëve të ushtarakëke të Forcave të Armatosura, me rastin e Krishtlindjeve dhe Vitit të Ri.
Z. Peleshi u dorëzoi të vegjëlve dhuratat, bashkë me urimin për një vit të mbarë dhe të sukseshëm.
Pjesë e aktivitetit, që tashmë është një traditë e bukur në Ministrinë e Mbrojtjes, ishin fëmijë të efektivëve që kontribuojnë brenda vendit, atyre me mision jashtë vendit si edhe fëmijë të dëshmorëve të rënë në detyrë.
Nisi sot zbatimi i programit të kredive të favorshme për shtëpi për familjet e reja të mjekëve, ushtarakëve dhe punonjësve të Policisë së Shtetit. Në aktivitetin e organizuar me këtë rast, ku mori pjesë edhe Kryeministri Edi Rama dhe ministrat e sektorëve përkatës, Ministri i Mbrojtjes Niko Peleshi bëri të ditur se nga ky program kanë përfituar 92 aplikantë nga FA, që do të thotë se një në tre kandidatë është përzgjedhur. Ky program, sipas Ministrit të Mbrojtjes do të vijojë deri në plotësimin e nevojave të të gjithë personelit ushtarak. Z.Peleshi mbështeti propozimin për rritjen e moshës së përfituesve deri në 45 vjeç, në mënyrë që të rritet numri i ushtarakëve fitues në këtë program.
Muzeu i Forcave të Armatosura do të jetë tashmë në mjediset e tij të reja në Bërzhitë.
Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani, ministrja për Rininë Bora Muzhaqi, ish - ministrja e Mbrojtjes Olta Xhaçka, deputetë të Komisionit për Sigurinë Kombëtare, zëvendësshefja e Shtabit të Përgjithshëm të FA gjeneralmajor Manushaqe Shehu si dhe komandantë të forcave të ndryshme.
Të pranishmit u njohën me hapësirat e reja të muzeut që është i ndarë në 5 pavijone, në të cilat janë të ekspozuara objekte, informacione për historinë ushtarake, ilustrime me harta dhe foto, që nga ilirët e deri në ditët e sotme.
Ministri i Mbrojtjes Niko Peleshi priti një grup të rinjsh të talentuar, pjesë e grupit "Chiron11", të cilët u përzgjodhën dhe u nominuan për çmim në konkursin ndërkomëtar, ndërmjet 58.000 konkurentëve nga e gjithë bota, nga juria e NASA International Space Apps Challenge. Të rintë e talentuar përfaqësuan Shqipërinë.
Gjatë bisedës me të rinjtë, ministri Peleshi vuri theksin te ngritja e Qendrës së Inovacionit në Ministrinë e Mbrojtjes. “Ne duam ta bëjmë një qendër të aksesueshme për të gjithë, në mënyrë që çdo maturant, çdo student apo operator, t'a kenë të lehtë të punojnë dhe të ndërveprojnë”.
