Shqipëria 15 vjet në NATO, ministri Peleshi: Fatlumë që jemi pjesë e kësaj hapësire, vlerësim për kontributin e përfaqësuesve tanë
- e hënë, 18 mars 2024 10:42
Shqipëria shënon këtë vit 15 - Vjetorin e anëtarësimit në Aleancën më të madhe ushtarake, NATO. Nga Përfaqësia jonë Diplomatike në Bruksel, ministri i Mbrojtjes Niko Peleshi shprehu vlerësimin për kontributin që përfaqësuesit tanë kanë dhënë dhe japin çdo ditë, në këtë rrugëtim.
“Jemi fatlumë që jemi pjesë e hapësirës së NATO, e kësaj Aleance të fuqishme ushtarake. Unë dua të përgëzoj punën e përditshme që Përfaqësia jonë bën për të përcjellë mesazhet, qëndrimet dhe për të lobuar interesat strategjike kombëtare këtu në NATO, në komitete të ndryshme, por edhe në komandat, jo vetëm në Bruksel, por edhe në të gjithë hapësirën e NATO”, - theksoi ministri Peleshi.
Ministri i Mbrojtjes, Niko Peleshi uroi me rastin e 8 Marsit, Ditës Ndërkombëtare të Gruas të gjitha gratë dhe vajzat ushtarake. Përmes një videoje, ku shfaqen momente nga stërvitje të ndryshme, ku gratë dhe vajzat janë njësoj të angazhuara si burrat, ministri Peleshi shpreh vlerësimin për kontributin e tyre.
U inaugurua sot Baza Ajrore Taktike e NATO-s në Kuçovë. Në ceremoninë e zhvilluar me këtë rast morën pjesë drejtuesit më të lartë të shtetit: presidenti Bajram Begaj, kryeministri Edi Rama, kryetarja e Kuvendit Lindita Nikolla, ministri i Mbrojtjes Niko Peleshi, shefi i SHP të FARSH gjeneralmajor Arben Kingji, përfaqësues të lartë të NATO, ministra të vendeve anëtare të Aleancës, ministri i Mbrojtjes së Kosovës Ejup Maqedonci, ambasadorë, ushtarakë dhe ish-ushtarakë.
Pak ditë para ditës së inaugurimit, punimet në Bazën Ajrore të Kuçovës janë drejt përfundimit, për ta kthyer atë në një bazë taktike të NATO.
Ministri i Mbrojtjes Niko Peleshi mirëpriti në një takim komandantin e Brigadës së Evropës Juglindore (SEEBRIG), gjeneral brigade Bilbil Bitri dhe stafin që e shoqëronte. Teksa i shprehu edhe një herë urimet gjeneral Bitrit për marrjen e detyrës së Komandantit të SEBBRIG, ministri Peleshi ritheksoi dhe njëherë qëndrimin e Ministrisë së Mbrojtjes në mbështetje të plotë të çdo iniciative rajonale, e cila promovon fqinjësinë e mirë, vlerat demokratike, angazhimin e përbashkët për paqen dhe sigurinë në rajon dhe më tej.
