Situata e krijuar si pasojë e reshjeve intensive në të gjithë territorin e vendit

e premte, 03 nëntor 2023 22:10

03 nëntor 2023, ora 22.00

Situata e krijuar si pasojë e reshjeve intensive pothuaj në të gjithë territorin e vendit paraqitet më e mirë, por strukturat e emergjencave civile vijojnë punën në terren për eliminimin e çdo pasoje.

Tri ekipe nga Forcat e Armatosura janë angazhuar në ndihmë të punonjësve të Bashkisë së Tiranës, ku situata është përmirësuar ndjeshëm.

Lexo më shumë...

25 - Vjetori i Krijimit të Batalionit të Forcave Speciale, Peleshi: Të vendosur t'a mbajmë elitare këtë forcë

e martë, 17 tetor 2023 15:59

U kremtua 25 - Vjetori i Krijimit të Batalionit të Forcave Speciale, pjesë e Forcave të Armatosura të Shqipërisë, në Repartin e Zall - Herrit.
Të pranishëm në ceremoni ishin presidenti i RSH, njëherësh komandant i Përgjithshëm i Forcave të Armatosura Bajram Begaj, ministri i Mbrojtjes Niko Peleshi si edhe shefi i Shtabit të Përgjithshëm të FA gjeneralmajor Arben Kingji.

Në fjalën e tij, ministri Niko Peleshi vlerësoi arritjet e këtij batalioni, që sipas tij tashmë është i mirëpajisur me mjete moderne dhe që mbart me vete një eksperiencë në operacione ushtarake jo vetëm brenda vendit tonë, por edhe në misionet e NATO, BE e Kombeve të Bashkuara jashtë vendit.

Lexo më shumë...

Peleshi në Ministerialin e Mbrojtjes në Bruksel: BE dhe NATO me mesazhe të qarta, për situatën në Kosovë

e enjte, 12 tetor 2023 18:21

Zhvillimet në Veri të Kosovës morën një vëmendje të veçantë në Takimin e Ministrave të Mbrojtjes së vendeve të NATO-s, që u mbajt në selinë e NATO-s, në Bruksel.

Si pjesë e këtij takimi, ministri i Mbrojtjes Niko Peleshi shprehu angazhimin e vendit tonë për zbatimin e vendimeve të marra në Samitin e Vilnusit mbi zhvillimin e planeve rajonale dhe strukturën e re të forcave, si dhe theksoi rëndësinë që ka realizimi i të gjithë familjes së planeve të shkurajimit dhe mbrojtjes, për të garantuar Aleancën nga kërcënimet e mundshme. Në zbatim të modelit të ri të forcave të NATO-s, është miratuar struktura e re e Forcave të Armatosura, si dhe do të kontribuojmë në zbatimin e planeve duke përshtatur praktikat tona dhe vendosur në dispozicion infrastrukturën kritike si ajo e Bazës së Kuçovës, Portin e Porto Romano dhe ndërtimi i Korridori VIII.

Lexo më shumë...

Peleshi në Ministerialin e NATO në Bruksel, takohet me homologun ukrainas

e enjte, 12 tetor 2023 10:02

Ministri i Mbrojtjes z. Niko Peleshi u takua në Bruksel, me ministrin e Mbrojtjes së Ukrainës z. Rustem Umierov. Gjatë këtij takimi, z. Peleshi dhe z. Umierov biseduan mbi situatën aktuale në Ukrainë dhe rëndësinë e mbështetjes nga Aleanca, si një element thelbësor në rezistencën ndaj luftës me Rusinë.

Ministri Umierov, shprehu mirënjohjen ndaj vendit tonë dhe falënderoi për mbështetjen e gjithanshme që Shqipëria i ka ofruar Ukrainës, qysh prej fillimit të luftës.

Lexo më shumë...