Vendosen bovat e reja që përcaktojnë kufirin Shqipëri-Mali i Zi në liqenin e Shkodrës
- e premte, 21 gusht 2020 17:39
Peshkatarët shqiptarë dhe malazezë, por edhe policitë kufitare të të dy vendeve do ta kenë më të lehtë të orientohen dhe të dallojnë vijën kufitare gjatë lundrimit në liqenin e Shkodrës.
Komisioni i përbashkët për rindërtimin dhe riparimin e shenjave në vijën e kufirit shtetëror Shqipëri-Mali i Zi, ku bëjnë pjesë Shërbimi Hidrografik i Forcës Detare, Instituti i Gjeografisë dhe Infrastrukturës Ushtarake dhe Policia Kufitare, vendosën në mirëkuptim të plotë me palën malazeze 6 bova (shenja të reja dalluese në liqen).
Pak pas mesnate ka përfunduar radha në Kakavijë, aty ku prej ditësh qytetarët kanë qenë në pritje, në radhë të gjata, duke u krijuar kështu një situatë e tensionuar.
Ministrja e Mbrojtjes, Olta Xhaçka, e cila po ndjek nga afër të gjithë situatën e krijuar në pikën doganore të Kakavijës bëri të ditur se është arritur dakordësia me palën greke që edhe pika e Kapshticës të qëndrojë e hapur deri në orën 22:00 të mbrëmjes së kësaj të diele. “Risjellim në vëmendje që nesër nis kufizimi i ri nga pala greke duke vendosur kuota dhe kërkesa për formular dhe test negativ”, u shpreh ministrja Xhaçka. Ajo u bën thirrje qytetarëve që duke filluar nga e hëna e 17 gushtit asnjë të mos paraqitet në të dy pikat doganore në Kakavijë e Kapshticë pa formularin dhe testin negativ.
Situata e rënduar në pikën kufitare të Kakavijës është lehtësuar gjatë mbremjes së sotme pas bisedimeve dhe rënies dakord mes palës shqiptare dhe asaj greke për të punuar me më shumë sportele nga ana e shtetit fqinj.
Efektivë të Forcave të Armatosura dhe Emergjencave Civile kanë shkuar në ndihmë të qytetarëve që kanë pritur për orë të tëra për të kaluar në Greqi përmes pikës doganore të Kakavijës. Ata kanë shpërndarë ujë e ushqime për të gjithë udhëtarët, ndërsa edhe autoambulancat e Forcave të Armatosura shkuan në mbështetje të ekipeve mjekësore të urgjencës rajonale në qytetin e Gjirokastrës për t'u ardhur në ndihmë qytetarëve të bllokuar. Vetë ministrja e Mbrojtjes Olta Xhaçka pa nga afër situatën, shoqëruar edhe nga drejtori i Agjencisë Kombëtare të Mbrojtjes Civile Haki Çako, kryetarët e bashkive Gjirokastër e Dropull, prefektin e drejtuesit e policisë së qarkut.
