Shqipëria 15 vjet në NATO, mesazhi i ministrit Peleshi: Përkushtimi ynë ndaj vlerave Euro - Atlantike do të mbetet i pandryshuar
- e enjte, 04 prill 2024 10:04
15 vjet më parë Shqipëria u bë zyrtarisht anëtare me të drejta të plota e Aleancës më të fortë politiko-ushtarake të NATO. Në këtë përvjetor ajo qëndron e palëkundur në misionin e saj krah SHBA dhe aleatëve e partnerëve të saj, në mbrojtje të paqes dhe sigurisë në botë.
Me pjesëmarrjen e efektivëve më të mirë të Forcave të Armatosura në misionet ndërkombëtare, Shqipëria i është bashkuar përpjekjeve të Aleancës për të përballuar sfidat e sigurisë, duke u vlerësuar si një aleate dinjitoze e NATO.