Pas shumë orësh në "luftë" me zjarret, falë punës së efektivëve të Forcave të Armatosura, punonjës të Shërbimit Zjarrfikës dhe Emergjencave Civile pranë pushtetit vendor, 15 vatra zjarri janë shuar në zona të ndryshme të territorit të vendit, gjatë 24 orëve të fundit.
Po punohet me intensitet në vetëm 2 vatra aktive për neutralizimin e tyre.
Si rezultat i punës së pandërprerë të forcave të Emergjencave Cvile, ndihmuar edhe nga efektivë të Forcave të Armatosura si dhe nën koordinimin e Agjencisë Kombëtare të Mbrojtjes Civile, 10 vatra zjarri janë shuar në të gjithë territorin e vendit gjatë 24 orëve të fundit.
Për shuarjen e tyre janë angazhuar 100 efektivë të Forcave të Armatosura, 4 mjete dhe helikopteri Cougar.
Ministri i Mbrojtjes, Niko Peleshi, ka bërë me dije përmes një postimi në rrjetet sociale se: "50 trupa të Forcave të Armatosura, 5 mjete dhe helikopteri Cougar vijojnë angazhimin prej natës së mbrëmshme në shuarjen e flakëve në malin Shpirag të Beratit, ku zjarri mori përmasa të mëdha.
Puna nga terreni e ajri vazhdon për të vënë në kontroll përhapjen e flakëve, të cilat u favorizuan nga era dhe temperaturat e larta...
Shqipëria, përmes Ministrisë së Mbrojtjes dhe nën koordinimin e Agjencisë Kombëtare të Mbrojtjes Civile, i është përgjigjur menjëherë kërkesës për ndihmë të dërguar nga Greqia në Mekanizmin Europian të Mbrojtjes Civile.
