Peleshi në Izrael, nënshkruhet Memorandumi i Mirëkuptimit në fushën e Mbrojtjes dhe të Sigurisë
- e hënë, 26 qershor 2023 12:26
Ministri i Mbrojtjes, zoti Niko Peleshi po zhvillon një vizitë zyrtare në Izrael. Gjatë ditës së sotme zoti Peleshi u prit me një ceremoni zyrtare në Ministrinë e Mbrojtjes së Izraelit nga homologu i tij, zoti Yoav Gallant.
Ministrat e Mbrojtjes nënshkruan Memorandumin e ri të Mirëkuptimit në fushën e Sigurisë dhe të Mbrojtjes, marrëveshje e nivelit të lartë që krijon një bazë solide ligjore për bashkëpunimin në fushën e sigurisë, mbrojtjes, teknologjisë ushtarake, trajnimeve dhe shkëmbimit të informacionit.