Rreziku më i madh i përmbytjeve në Shqipëri vjen nga lumenjtë dhe pasojat e përmbytjeve prekin aktualisht 130.000 hektarë tokë bujqësore. Pasojat reflektohen më shumë në sektorin e bujqësisë duke dëmtuar mesatarisht 7.000 hektarë tokë çdo vit.
Qëllimi i përgjithshëm i PRO NEWS është të rrisë qëndrueshmërinë ndaj përmbytjeve duke forcuar Sistemin kombëtar shqiptar të Paralajmërimit të Hershëm dhe duke përmirësuar parandalimin e katastrofave në përputhje me praktikat e mira të BE-së. Qëllimi specifik i Programit PRONEWS është që Drejtoria a Përgjithshme për Emergjencat Civile të rrisë më tej kapacitetet për të parandaluar dhe reaguar ndaj menaxhimit të fatkeqësive.
Për më shumë informacion vizitoni:
PRO NEWS Programme for Improving the National Early Warning System and Flood Prevention in Albania
Autoriteti Kontraktues:
Komisioni Evropian
Shoqëritë Partnere:
• Departamenti Italian i Mbrojtjes Civile (DPC), Itali– Leader
• Fondacioni Kërkimor CIMA (CIMA), Savona (Itali) dhe Tiranë (Shqipëri)
• Qendra Evropiane për Parashikimin e Motit të Mesëm (ECMWF), (UK)
• Qendra Rajonale e Mjedisit (REC) me qendër në Shqipëri
• Shërbimi Meteorologjik dhe Hidrologjik i Kroacisë (DHMZ), Zagreb (Kroaci)
• Qendra Meteorologjike Botërore (WMO) Gjenevë (Zvicër)
Partnerët:
• Ministria e Punëve të Brendshme (MPB)
• Ministria e Mbrojtjes - Drejtoria e Përgjithshme për Emergjencat Civile (DPEC)
• Instituti i Gjeoshkencave, Energjisë, Ujit, Mjedisit (IGJEUM)
• Ministria e Bujqësisë dhe Zhvillimit Rural (MBZHR)
• Autoriteti Shqiptar për Informimin Gjeo-hapësinor (AAGI)
• Sekretariati Teknik i Këshillit Kombëtar të Ujit (STKKU)
Komponentët teknikë:
1. Mbështetje për përmirësimin e kuadrit ligjor dhe institucional, duke vlerësuar fillimisht atë ekzistues në lidhje me Sistemin e Paralajmërimit të Hershëm (EWS), Menaxhimin e Përmbytjeve dhe Mbrojtjen Civile me qëllim rritjen e mëtejshme të kapaciteteve të autoriteteve kombëtare dhe lokale për të zhvilluar plane emergjence të Mbrojtjes Civile me qasje pjesëmarrëse.
2. Mbështetje për zhvillimin e një harte të rrezikut nga përmbytja në përputhje me Direktivën e Përmbytjeve të BE, nëpërmjet asistencës teknike dhe trajnimit për përgatitjen dhe përdorimin e hartave të detajuara të rrezikut nga përmbytja.
3. Zhvillimi i Sistemit Kombëtar të Parashikimit dhe Paralajmërimit të Përmbytjeve dhe përfshirja në Sistemin Evropian të Ndërgjegjësimit mbi Përmbytjet (EFAS) duke zhvilluar një model hidrologjik operacional për të gjithë vendin, i cili të përfshijë: pellgun transnacional (ndërshtetëror) të lumenjve për paralajmërim të hershëm, modernizimin e infrastrukturave meteorologjike dhe përmirësimin e rrjetit IT.
4. Hartimi i Fushatës Kombëtare të Ndërgjegjësimit Publik bazuar në praktikat e mira të Mbrojtjes Civile të BE-së që kanë të bëjnë me rritjen e ndërgjegjësimit dhe të kapaciteteve rikuperuese të target - grupeve përkatëse.
5. Mbështetje Shqipërisë në përgatitjen për anëtarësim në Mekanizmin e Mbrojtjes Civile të BE-së (EUCPM) përmes workshopeve, trajnimeve për Mekanizmin e Bashkuar të Mbrojtjes Civile (UCPM) dhe shkëmbimin e ekspertëve.
6. Mbështetja e programit (mbikëqyrje, koordinim, monitorim i bazuar në rezultate).
Qëllimi:
Për të rritur më tej kapacitetet e Drejtorisë së Përgjithshme për Emergjencat Civile në lidhje me parandalimin dhe reagimin ndaj menaxhimit të fatkeqësive.
Objektivi i Përgjithshëm:
Qëllimi i përgjithshëm i programit PRO NEWS është rritja e kapaciteteve rekuperuese ndaj përmbytjeve të Shqipërisë në sajë të forcimit të Sistemit Kombëtar të Paralajmërimit të Hershëm dhe përmirësimit të Parandalimit të Fatkeqësive në përputhje me praktikat e mira të BE-së.
Buxheti: 2.281.404 Eur
Kohëzgjatja: Janar 2017 – Shtator 2020
