Drejtor i Kabinetit të ministrit të Mbrojtjes
2021 -
Tesila Polena është drejtor i Kabinetit të ministrit të Mbrojtjes që prej janarit të vitit 2021.
Ka kryer studimet e larta pranë Universitetit të Tiranës, Fakultetit të Ekonomisë në degën Informatikë Ekonomike dhe ka vijuar studimet “Master i Shkencave për Sistemet e Informacionit”.
Ka punuar në fushën e teknologjisë së informacionit pranë Bankës Intesa Sanpaolo, në Zyrën e Zhvillimit dhe Mirëmbajtjes së Aplikacioneve; gjithashtu, ka kontribuar si këshilltare për politikat e zhvillimit rural dhe inovacionit në fushën e Bujqësisë në Ministrinë e Bujqësisë në periudhën tetor 2017 - janar 2019. Më pas ka mbajtur pozicionin e drejtuesit të Njësisë së Teknologjisë së Informacionit pranë Fondit Shqiptar të Zhvillimit, duke u angazhuar në zbatimin e një numri të konsiderueshëm projektesh në fushën e infrastrukturës dhe teknologjisë së informacionit.
Zotëron gjuhët angleze dhe italiane.
Fusha e angazhimit: asiston drejtpërdrejtë ministrin e Mbrojtjes në hartimin e politikave dhe i përçon ato në Direktivën e Mbrojtjes, në Strategjinë Kombëtare të Mbrojtjes dhe Sigurisë, në Strategjinë e Integruar të Burimeve Njerëzore të FA, Menaxhimin e Burimeve Materiale sipas prioriteteve, Reformat Administrative dhe Ligjore, Politikat e Mbrojtjes dhe Sigurisë, Marrëdhëniet me jashtë (NATO, BE, vendet partnere).
Monitoron përmbushjen e reformave prioritare të ministrit të Mbrojtjes në fushën e Mbrojtjes. Orienton, organizon dhe harmonizon veprimtarinë në grup të Kabinetit të Ministrit.
Është anëtare e Bordit Drejtues të Akademisë së Forcave të Armatosura.
This email address is being protected from spambots. You need JavaScript enabled to view it.
