Këshilltar në Kabinetin e ministrit të Mbrojtjes
2021 -
Këshilltar pranë Kabinetit të Ministrit të Mbrojtjes që prej shkurtit të 2021.
Ka kryer studimet e larta për drejtësi në Universitetin e Pavias në Itali, ku është specializuar në fushën e të Drejtës Ndërkombëtare.
Prej janarit 2015, zotëron titullin avokat. Aktualisht, po ndjek studimet për doktoraturë pranë Universitetit “Tor Vergata” të Romës në Departamentin e Menaxhimit dhe të së Drejtës, i fokusuar në efektivitetin e kontratave publike. Gjatë periudhës së studimeve universitare, ka qenë koordinator për Italinë në rrjetin e studentëve shqiptarë në mbarë botën, albStudent si dhe është angazhuar vullnetarisht në një sërë organizatash të tjera në nivel kombëtar dhe ndërkombëtar.
Në vitin 2013, ka punuar pranë Agjencisë Kombëtare të Turizmit si drejtor i Projekteve dhe Marrëdhënieve me Jashtë. Përgjatë periudhës 2016 - 2018, ka mbajtur rolin e këshilltarit në Kabinetin e Zëvendëskryeministrit dhe më pas është transferuar në të njëjtin pozicion në aparatet ministrore të Bujqësisë dhe Zhvillimit Rural dhe Arsimit, Sportit dhe Rinisë.
Në vitin 2019, angazhohet në sektorin privat ku për rreth dy vite, drejtoi Njësinë e Zhvillimit të Biznesit në kompaninë IDRA Research & Consulting, një kompani hulumtimesh dhe konsulence zhvillimore. Eksperienca e tij pranë kompanisë IDRA, përfshin angazhimin në një sërë projektesh të financuara nga donatorët ndërkombëtarë në fushën e qeverisjes vendore, monitorimit dhe vlerësimit, asistencës teknike për menaxhimin e burimeve ujore, kadastrës ujore, shërbimeve publike etj. Në vijim ka qenë pjesë e skuadrës së projektit IPA të financuar nga Bashkimi Evropian, në mbështetje të reformës së administratës publike në Shqipëri.
Është njohës shumë i mirë i gjuhës italiane dhe asaj angleze.
Fusha e angazhimit: i angazhuar në koordinimin e komunikimin e Ministrisë së Mbrojtjes dhe Forcave të Armatosura, Reformën e edukimit dhe inovacionit, si dhe koordinimin e projekteve të ndryshme.
This email address is being protected from spambots. You need JavaScript enabled to view it.
