Këshilltar i jashtëm në Kabinetin e ministrit të Mbrojtjes
2022 -
Këshilltar pranë Kabinetit të Ministrit të Mbrojtjes që prej shkurtit të 2022.
Ka kryer studimet e larta për Drejtësi në Universitetin e Tiranës, Fakulteti i Drejtësisë në vitet 2006-2010, duke marrë titullin “Jurist”.
Prej tetorit 2011 zotëron titullin “Avokat”. Gjithashtu prej shkurtit 2022 zotëron titullin “Ndërmjetës”. Prej vitesh ka qenë e angazhuar në mësimdhënie si lektore në Universitetin “Aleksandër Moisiu Durrës” pranë Fakultetit të Shkencave Politike Juridike në Departamentin e Drejtësisë, e prej vitit 2021 është lektor me kohë të plotë. Ushtron nga 2011 e vijim profesionin e avokatit dhe është përfaqësuesja ligjore e Studios Ligjore & Ndërmjetësimit “Brati & Partners”.
Bashkëautore e disa botimeve ku spikasin libri “Magjistratura & Avokatia” botuar në vitin 2012, “Fjalori i Drejtësisë” botuar në vitin 2021, “Komentari i Kodit Civil R.Sh. (Doktrinë dhe Praktikë Gjyqësore)” botuar në vitit 2015, “Vendime Unifikuese te Gjykatës së Lartë” botuar në vitin 2014. Po ashtu bashkëautore në punimet për përditësimet dhe azhornimet me ndryshime të Kodit Rrugor 2012, Kodi Penal dhe Kodin Procedurës Penale 2017, Kodi Civil 2018, 2021.
Prej vitit 2015 është Anëtare e Shoqatës së Avokatëve Penalistë të Shqipërisë dhe pjesëmarrëse në konferenca kombëtare e ndërkombëtare të zhvilluara prej SHAPSH, certifikuar për temat “Drejtësia Penale për të Miturit” 2018, “ Viktimat e krimit dhe mbrojtja e tyre ne gjykim” 2017, “Për Drejtësinë Penale” 2019 , “Për Drejtësinë Penale” 2021, “ Forcimi i Bashkëpunimit midis Avokatëve Penalistë të Shqipërisë, Kosovës dhe Italisë”.
Pjesëmarrëse në Konferencën Ndërkombëtare Bruksel, 2021, me publikimin “Gender Quotas and the Achievement of Gender Equality in Political Parties”.
Specializuar në cështje civile, me karakter tregtar, marrëdhenie pune, familjare, pronësie, ndërmjetësimit, kontratave, këshillim ligjor i disa prej subjekteve tregtare etj. Ka kryer disa trajnime në fushën e legjislacionit tatimor e fiskal, për organizimin dhe funksionimin e institucioneve të BE-së etj.
Ka njohuri shumë të mira në gjuhën angleze e greke.
Fusha e angazhimit: Këshilltar ligjor i jashtëm i Ministrit të Mbrojtjes, mbulon punën lidhur me këshillimin e Ministrit për monitorimin e kontratave dhe procedurave të çështjeve gjyqësore.
This email address is being protected from spambots. You need JavaScript enabled to view it.
© Ministria e Mbrojtjes 2024 - Të gjitha të drejtat e rezervuara.