Këshilltar i jashtëm në Kabinetin e ministrit të Mbrojtjes 2022 -
Këshilltar pranë Kabinetit të Ministrit të Mbrojtjes që prej shkurtit të 2022.
Znj. Florensa (Haxhi) Kovaci që nga shkurti i vitit 2022 është këshilltare e jashtme për inovacionin në Kabinetin e ministrit të Mbrojtjes. Florensa Haxhi ka një përvojë prej 15 vitesh në punë, ku pjesa më e madhe e përvojës është në poste drejtuese në zyrën e kryeministrit.
Znj. Haxhi zotëron diplomë Bachelor dhe Master Shkencor (MBA) përkatësisht në menaxhim biznesi dhe finance ndërkombëtare nga institucione të arsimit të lartë në SHBA dhe në Francë dhe zotëron një doktoraturë në ekonomi me fokus administrimin publik.
Ka punuar për shume vite si politikbërëse në zyrën e kryeministrit, dhe ka mbuluar fushat si zhvillimi ekonomik, programimi strategjik kombëtar, bashkëpunimi rajonal dhe inovacioni.
Ajo ka mbajtur për shumë vite postin e drejtorit të Përgjithshëm të Njësisë së Programeve të Zhvillimit dhe Bashkëpunimit, në zyrën e kryeministrit, dhe ka qenë përgjegjëse për hartimin e një numri programesh kombëtare të zhvillimit në sektorë të ndryshëm të ekonomisë të cilat janë përkthyer në projekte konkrete strategjike kombëtare të ekzekutueshme me një ndikim të drejtpërdrejtë në rritjen ekonomike të vendit.
Ajo ka qenë gjithashtu e ngarkuar me koordinimin e zonës ekonomike rajonale dhe planit të saj të veprimit, me fokus zhvillimin dhe transformimin e rajonit të Ballkanit Perëndimor në një zonë ekonomike, ku mallrat, shërbimet, njerëzit dhe njohuritë lëvizin pa kufij.
Florensa Haxhi aktualisht mban dhe pozicionin e drejtores së Zhvillimit të Biznesit në Korporatën Shqiptare të Investimeve (AIC) dhe është përgjegjëse për krijimin e modeleve të suksesshme dhe të qëndrueshme të biznesit për projektet që AIC synon të zhvillojë duke kombinuar përvojën e sektorit privat dhe publik për të zhvilluar asetet publike me qëllim zhvillimin ekonomik të vendit.
Fusha e angazhimit: Këshilltar i jashtëm i ministrit të Mbrojtjes për Inovacionin.
This email address is being protected from spambots. You need JavaScript enabled to view it.
