Këshilltar i jashtëm në Kabinetin e ministrit të Mbrojtjes 2022 -
Dea Buza - Këshilltare e jashtme për projektet zhvillimore në fushën e infrastrukturës ushtarake në kabinetin e ministrit të Mbrojtjes prej tetorit 2022.
Arkitekte/dizajner nga Prishtina që jeton në Tiranë, me një experiencë 10 - vjeçare në fushën e arkitekturës dhe sidomos në lidhjen e saj me teknologjinë, ekspozitave, art e kërkim.
Ka mbaruar studimet në Universitetin Polis në Tiranë në vitin 2014 dhe, me pas, është angazhuar si asistente lektore deri në vitin 2017. Pas shkëputjes nga Universiteti Polis, kreu një kërkim disa mujor në Universitetin Teknik të Berlinit si kërkuese e jashtme për lidhjen e arkitekturës dhe migrimit.
Nga viti 2019 është angazhuar si lektore e jashtme në Fakultetin e Arkitekturës pranë Universitetit Politeknik të Tiranës deri në vitin 2022 dhe në Universitetin Bujqësor të Tiranës në departamentin e Hortikulturës së Peizazhit, ku, që nga viti 2021 është dhe lektore e brendshme pranë këtij departamenti.
Nga 2022 është në proces së doktoratës, ku studimet po i kryen mes Universitetit Bujqësor të Tiranës dhe Universitetit Teknik të Vjenës pranë departamentit të Dizajnit Urban dhe Arkitekturës së Peizazhit.
Dea ka qenë pjesë e Bashkisë Tiranë për periudhën 2019 - 2021, pranë Zyrës së Urbanistikës. Gjatë kësaj periudhe ka zhvilluar projekte të ndryshme në hapësira publike në përmirësimin e infrastrukturës vendore.
Nga 2014 Dea është aktive në eventet e arkitekturës dhe artit, si pjesëmarrëse në projekte kuratoriale ndërkombëtare e vendore, si pjesëmarrëse në “Triennale di Milano” 2016 “Between Vacum and Energy”, bashkëkuratore e Pavijionit të Kosovës në “Biennale të Venecias” 2018, si dhe pjesë e ekipit organizativ e kuratorial të “Tirana Design Week” 2015 dhe “Tirana Architecture Weeks” 2016.
Dea bashkë më motrën Erën kanë një studio arkitekture e dizajni me bazë në Tiranë, të fokusuar nga projekte të shkallës madhore deri tek shkalla me vogël. Koncepti i studios është të sjellë një qasje të re në trajtimin e hapësirave fizike e vizuale.
Fusha e angazhimit: Këshillim i ministrit të Mbrojtjes në projektet zhvillimore në fushën e infrastrukturës ushtarake nën administrim të Ministrisë së Mbrojtjes.
This email address is being protected from spambots. You need JavaScript enabled to view it.
© Ministria e Mbrojtjes 2024 - Të gjitha të drejtat e rezervuara.