Shtabi i Përgjithshëm i FA

Zhvillimi, drejtimi e koordinimi i një force luftarake të përbashkët, me komponentin tokësor, detar e ajror, të aftë për të plotësuar misionin e vet kushtetues  ruajtjen e pavarësisë, sovranitetit dhe tërësisë territoriale të vendit, mbrojtjen e mbështetjen e popullsisë civile në kohë paqeje, krize e lufte, për të kontribuar për paqen dhe sigurinë në rajon e me gjerë, si dhe për të mbështetur a për t'u angazhuar në proceset e bashkëpunimit e të integrimit Euroatlantik e nisma të tjera rajonale në fushën e sigurisë.



Forca Tokësore

Forca Tokësore ka si mision sigurimin dhe mbajtjen në gatishmëri e kapaciteteve të nevojshme operacionale për ruajtjen dhe mbrojtjen e pavarësisë, sovranitetit dhe tërësisë territoriale të Republikës së Shqipërisë në bashkëveprim me strukturat e tjera të Forcave të Armatosura dhe NATO, mbështetjen e popullsisë në përballimin e fatkeqësive natyrore në kohë paqe, krize e lufte si dhe marrja pjesë në operacione në kuadër të mbrojtjes kolektive.



Forca Ajrore

Forca ajrore ka si mision sigurimin e kapaciteteve të nevojshme për vëzhgimin dhe kontrollin e sovranitetit të hapësirës ajrore të Republikës së Shqipërisë në bashkëpunim me NATO, mbështetjen në operacionet luftarake e joluftarake, HNS dhe ato të kërkim-shpëtimit SAR, si dhe realizimin e komandim-kontrollit të mjeteve ajrore në hapësirën ajrore të Republikës së Shqipërisë.



Forca Detare/Roja Bregdetare

Forca Detare/Roja Bregdetare ka si mision sigurimin dhe mbajtjen në gatishmëri e kapaciteteve të nevojshme operacionale me qëllim ruajtjen e sovranitetit të hapësirës detare të Republikës së Shqipërisë në bashkëveprim me strukturat e tjera të Forcave të Armatosura të republikës së Shqipërisë dhe NATO, zbatimin e ligjit kombëtar dhe ndërkombëtar në det në bashkëpunim me institucionet e tjera me interesa në hapësirën detare.



Komanda Mbështetëse

Mbështetja me shërbime të trupave të luftimit, mbështetjes së luftimit të Komandave në kohë paqe /krize/lufte, në interes të plotësimit të misionit të tyre,si dhe në operacione të Emergjencave Civile dhe në misionet ndërkombëtare.



Akademia e Forcave të Armatosura

Akademia e Forcave të Armatosura ka si mision arsimimin, kualifikimin, kërkimin shkencor dhe trajnimin në fushën e Mbrojtjes e të Sigurisë Kombëtare të personelit ushtarak dhe civil, për të gjitha nivelet e drejtimit të FARSH dhe ciklet e studimit sipas LAL, si dhe të institucioneve të tjera të Sigurisë Kombëtare.



Artikuj nga Newsroom