Ministrja e Mbrojtjes, znj Mimi Kodheli, ishte sot e ftuar ne emisionin “7 pa 5” të televizionit Vizion Plus.
Më poshtë pjesë nga intervista:

Kemi në studio zonjën Mimi Kodheli, ministre e Mbrojtjes e Shqipërisë, një ndër 5 ministret femra të Mbrojtjes së 28 vendeve anëtare të NATO dhe, e para në këtë dikaster në Shqipëri. Ka komente në mediat ndërkombëtare, të cilat e pritën me pozitivitet vendosjen në krye të Ministrisë së Mbrojtjes.

Znj. Kodheli: Ky është një element i rëndësishëm për zbutjen e dialogut dhe për zbutjen e krizave. Kjo tregon që në Shqipëri ka emancipim, çdo ditë e punës sime është pjesë e një karriere, një detyrë, që kam marrë me përgjegjësi që në momentin e parë që më është propozuar. E rëndësishme është që shoqëria shqiptare më ka pranuar. Që në ditët e para të qeverisë është vlerësuar, ky fakt. Në botë njohin nivelin e emancipimit në Shqipëri.

Ministrja e Mbrojtjes, znj Mimi Kodheli, ishte sot e ftuar ne emisionin “7 pa 5” të televizionit Vizion Plus. 
Më poshtë pjesë nga intervista:

Kemi në studio zonjën Mimi Kodheli, ministre e Mbrojtjes e Shqipërisë, një ndër 5 ministret femra të Mbrojtjes së 28 vendeve anëtare të NATO dhe, e para në këtë dikaster në Shqipëri. Ka komente në mediat ndërkombëtare, të cilat e pritën me pozitivitet vendosjen në krye të Ministrisë së Mbrojtjes.

Znj. Kodheli: Ky është një element i rëndësishëm për zbutjen e dialogut dhe për zbutjen e krizave. Kjo tregon që në Shqipëri ka emancipim, çdo ditë e punës sime është pjesë e një karriere, një detyrë, që kam marrë me përgjegjësi që në momentin e parë që më është propozuar. E rëndësishme është që shoqëria shqiptare më ka pranuar. Që në ditët e para të qeverisë është vlerësuar, ky fakt. Në botë njohin nivelin e emancipimit në Shqipëri.

Së pari do të doja ta nisja nga aktualiteti. Media ka folur këto ditë për një tjetër dosje në prokurori, kësaj radhe edhe Ylli Zyla i paditur. Sa të vërtetë ka në këtë?

Znj. Kodheli: Media ka qenë mbështetëse dhe gjithashtu në dijeni që në atë kohë që ky institucion kishte lidhje me përgjimin që i është bërë opozitës. Çështja është në Prokurori dhe po shqyrtohet nga organet kompetente për shkeljet që i janë bërë sigurisë kombëtare.

Në fakt duket sikur vetëm ministria juaj e ka marrë seriozisht luftën kundër korrupsionit, por si shpjegohet që është përfshirë vetëm mbrojtja në një nivel të tillë hetimi, denoncimi; të tjerët aspak ose thuajse?

Znj. Kodheli: Mendoj që Ministria e Mbrojtjes është keqpërdorur nga pushteti i djeshëm. Më lejoni t’ju them se Ushtria dhe Ministria janë dy gjëra të ndryshme. Unë po flas politikisht është keqpërdorur. Ne kemi hedhur dritë dhe kemi bërë transparente shkeljen e ligjit me të dyja këmbët. Jam surprizuar negativisht në momentin e uljes sime në atë zyrë dhe këtë ua them si profesioniste. Në këtë ministri është abuzuar me paranë, me procedurat, si dhe me pushtetin. Por, ka gjithmonë një fillim tjetër. Shifrat kërkojnë kohën dhe investigimin e vet. Unë nuk jam gjykatëse, por do e bëj transparente. Është detyrimi im ndaj qytetarëve.

Është prokuroria ajo që duhet të bëjë punën e saj më pas, por a po e bën ajo? Keni patur një takim të pazakonte me zotin Llalla në zyrën tuaj, zakonisht ndodh e kundërta?

Znj. Kodheli: Takimi ka qenë për ndryshime ligjore. Në vitin 2009 vendi ynë u bë anëtar i NATO. Baza ligjore e cila rregullon Ministrinë e Mbrojtjes daton në vitet 2000, 2004, ndërsa dokumentet strategjike datojnë në vitin 2007. Statusi i Shqipërisë si vend kandidat kërkon ndryshime dhe në Prokurori. Në këtë kuadër u zhvillua dhe takimi i parë zyrtar me prokurorin e përgjithshëm.

Po me gjeneral Gerveni në Bruksel si qëndron e verteta?

Znj. Kodheli: Përfaqësuesit e Shqipërisë jashtë vendit qëndrojnë në detyrë për një periudhë tri vjeçare. Dekreti për përfundimin e detyrës mbaron së qeni në fuqi në mes të muajit janar. Zoti Gerveni ka marrë detyrën në fund të muajit mars të vitit 2011. Ai duhet të kthehet në atdhe. Kthimi i tij është i ligjshëm. Nuk është e nevojshme ndarja me publikun e detajeve të korrespondencës me presidentin e Republikës. Jam e detyruar ta njoftoj që administrativisht i mbaron pagesa. Kjo është e vërteta. Nuk ka refuzim nga Forcat e Armatosura.

Ristrukturimi i FA ka ngjallur një tjetër debat dhe duket se strategjia për realizimin po ju përplas me presidentin Nishani. Ka një problem të zonjës Kodheli dhe qeverisë me presidentin?

Znj. Kodheli: Strategjitë dhe dokumentet ku Ministria e Mbrojtjes mbështetet janë: “Dokumenti i Strategjisë Kombëtare“, i cili kishte 10 vjet që nuk bëhej; “Dokumenti i Strategjisë Ushtarake“ kishte që në vitin 2007. Ndërkohë ne jemi në NATO, kjo gjë nuk u reflektua asnjëherë. Jemi duke i punuar dhe, deri në fund të muajit qershor, do të kemi dokumentin strategjik dhe atë ushtarak, i cili do të jetë më efikas. Ka pasur një dokument tranzitor, i cili quhej ”Rishikimi i Strategjisë“, që ishte një dokument shumë i mirë, ku janë bazuar reflektimet. Presidenti ka dekretuar në shumë raste edhe më parë edhe me ardhjen e kësaj qeverie në pushtet. Është një procedurë e rëndësishme. Ministria e Mbrojtjes është një institucion i rëndësisë së veçantë. Sot, duke filluar që nga sekretari Kerry, po flasin çdo ditë sesi duhet të shkurtohen shpenzimet në ushtri. Jetojmë në kushtet e një krize, duhet të mbrojmë mirë dhe në mënyrë efikase shpenzimin e parave. Pas një diskutimi shumë të gjatë e të hapur me konsulentët amerikanë dhe Shqipëria do të reduktojë komandat, me transformimin e Forcave të Armatosura dhe rritjen e efikasitetit. Nuk rrezikojmë sigurinë me këtë reduktim, vazhdojmë të keqpërdorim paranë e publikut.

Për të sqaruar dhe mbledhjen e pak ditëve më parë të Këshillit të Sigurimit Kombëtar, pse u mblodh ai? Në fakt ka një anashkalim të presidentit, apo shmangie në lidhje me disa çështje të sigurisë, pasi kam parasysh se për hir të SHISH dhe shefit të këtij shërbimi në media flitet se NATO nuk na beson më sekretet e saj. Sa jemi të besueshëm ne për partneret?

Znj. Kodheli: Duhet të jemi të besueshëm për qytetarët dhe partnerët strategjikë. Përfaqësuesit e partnerëve kanë ndarë me mua shqetësimin që nuk ishim të besueshëm. E para, për korrupsionin dhe e dyta SHISH ishte përdorur për sigurinë e pushtetit. Nëse nuk jemi në shërbim të njerëzve nuk kemi bërë asgjë. Informacioni i klasifikuar në NATO qarkullon dhe është i hapur dhe për Shqipërinë.

Si mundet Shqipëria të qëndronte pa mbulim radarësh për disa vite dhe a do të ndodhin më në të ardhmen të tilla ngjarje, që të paktën në sy të ndërkombëtarëve na e ulin shumë reputacionin?

Znj. Kodheli: Po, prej 2 vjetësh radarët nuk punonin. Unë e gjeta institucionin me zero karburant. Zero karburant d.m.th. zero gatishmëri.

Ushtria jep shembullin e saj për pastrimin e vendit, nuk duket si një lloj keqpërdorimi i FA? Kam parasysh kur shefi i shtabit në këtë studio tregonte se si talleshin vendasit kur ushtarët pastronin...

Znj. Kodheli: Qytetarët nuk ishin të gjithë indiferentë. Ishte një aksion civil dhe ushtarak. Është një detyrim i Forcave të Armatosura, kur bëhet fjalë për emergjencë civile të jashtëzakonshme. Duhet të kuptojmë të gjithë se është me llambë të kuqe gjendja e jashtëzakonshme, se siguria kalon nga siguria e ambientit. Mesazhi ishte i qartë. Shoqëria nuk mund të rrijë indiferente. Ishim një zë i konsiderueshëm. Do e bëjnë këtë aksion Forcat e Armatosura sa herë që emergjencat ta kërkojnë. Falënderoj Forcat e Armatosura për punën dhe disiplinën e jashtëzakonshme. Bëhem më pak skeptike, e kemi dhënë mesazhin. Herën tjetër shpresoj të kemi më shumë forca në krah si p.sh. mediat, shoqëria civile, etj.

Puna ime është një shërbim që do e kisha bërë kudo ku do të isha ulur dhe për aq kohë sa do punoj. Shpresoj të ndihen mirë qytetarët me një ministre femër. Rritja e dinjitetit të Forcave të Armatosura me vullnet të mirë. Gjërat do ndryshojnë.