Ministrja e Mbrojtjes, Kodheli, merr pjesë në Konferencën Vilnius 2014

Ministrja e Mbrojtjes, znj. Mimi Kodheli ndodhet për një vizitë zyrtare në Lituani në kuadër të konferencës me tematikë “NATO Open Door: Ten Years after the ‘Big Bang’”, që po zhvillohet në Vilnius, të Lituanisë në datat 3 dhe 4 prill.

Në këtë konferencë marrin pjesë ministrat e Mbrojtjes dhe ministrat e Punëve të Jashtme të: Belgjikës, Gjeorgjisë, Sllovenisë, vendeve Baltike, vendeve anëtare të Kartës së SHBA - Karta e Adriatikut (A-5) si dhe vendet vëzhguese.

Në ditën e parë të kësaj konference të gjithë ministrat e Mbrojtjes dhe ministrat e Punëve të Jashtme pjesmarrës diskutuan në lidhje me Politikën e Dyerve të Hapura të NATO.

Ndërsa në ditën e dytë të konferencës, ministrja e Mbrojtjes, znj. Mimi Kodheli do të zhvillojë një takim me ministrin e Mbrojtjes Kombëtare të Lituanisë z. Jouzas Olekas. Çështjet që do të trajtohen në këtë takim do të jenë: çështjet e NATO; Situata e Sigurisë në Europë si dhe Operacionet Ndërkombëtare.

Fjala e plotë e ministres Kodheli