Ministri i Mbrojtjes Nufi: “Shqipëria dhe Italia vijojnë konsolidimin e partneritetit afatgjatë në fushën e mbrojtjes e sigurisë”

e premte, 23 tetor 2026 14:06

Kolonel Agostino Piccirillo përfundon mandatin e tij si Atashe Ushtarak i Italisë në Tiranë, zëvendësohet nga Kolonel Davide Valente

Fotogaleria

Në përfundim të mandatit të tij në vendin tonë, Atasheu Ushtarak italian, Kolonel Agostino Piccirillo, është vlerësuar nga Ministri i Mbrojtjes i Republikës së Shqipërisë, z. Ermal Nufi për profesionalizmin dhe kontributin e tij në forcimin e marrëdhënieve dypalëshe të mbrojtjes, si dhe në avancimin e bashkëpunimit mes Shqipërisë dhe Italisë në fusha me rëndësi strategjike.

Përmes një publikimi në rrjetin e tij social, Ministri Nufi nënvizon se:

“Shqipëria dhe Italia synojnë të vijojnë konsolidimin e një partneriteti afatgjatë në fushën e mbrojtjes, të mbështetur në rezultate konkrete dhe në përballimin e përbashkët të sfidave që burojnë nga një mjedis evropian i sigurisë në zhvillim të vazhdueshëm.”

Në këtë frymë bashkëpunimi dhe në prani të Ambasadorit të Italisë në Tiranë, Marco Alberti, është mirëpritur edhe Atasheun i ri Ushtarak italian, Kolonel Davide Valente.

Në fund të postimit të tij, duke uruar Kolonel Valente në misionin e ri, Ministri i Mbrojtjes Ermal Nufi ndau bindjen se dy vendet tona do të vijojnë të thellojnë bashkëpunimin në modernizimin e mbrojtjes, zhvillimin e kapaciteteve ushtarake, industrinë e mbrojtjes, arsimimin dhe stërvitjen ushtarake, si dhe rritjen e gatishmërisë operacionale.