Arsimimi në FA është i kanalizuar në drejtimet e mësipërme
Akademia e Forcave të Armatosura (AFA) është i vetmi institucion i arsimit të lartë (IAL), me status të veçantë në vend, i fokusuar tërësisht në fushën e Mbrojtjes dhe Sigurisë, përgjegjëse për përgatitjen e oficerëve të rinj dhe edukimin e personelit ushtarak dhe civil në institucionet e sigurisë brenda dhe jashtë vendit, ofron 8 programe studimi, prej të cilave pesë programe studimi të Bachelor 3 - vjeçar dhe 4 - vjeçar dhe tre programe të ciklit dytë Master, ku njëri është master profesional njëvjeçar dhe dy të tjerët master shkencor dyvjeçar.
AFA ka nënshkruar marrëveshje bashkëpunimi me disa institucione publike dhe jopublike, si: universiteti "Aleksandër Moisiu" (Durrës), Universiteti Politeknik (Tiranë), Universiteti i Tiranës, universiteti "Luarasi", universiteti "Marin Barleti", Universiteti i Korçës. AFA gjithashtu ofron mundësi të jashtëzakonshme për t’u arsimuar në disa prej institucioneve më prestigjioze të BE-së, duke ofruar praktika profesionale, programe shkëmbimi studentësh dhe shumë lehtësi të tjera.
Në vitin 2023, në bashkëpunim me SHBA, AFA adoptoi modelin e akademisë "West Point".
Kolegji i Mbrojtjes dhe Sigurisë (KMS) është institucioni i arsimit të lartë ushtarak profesional për të gjitha Kurset e Karrierës deri në nivel strategjik. KMS erdhi si domosdoshmëri e ndarjes së arsimimit për zhvillimin e karrierës së personelit ushtarak dhe civil dhe si nevojë e përmirësimit të vazhdueshëm cilësor në përshtatje me zhvillimet e fundit në fushën e Sigurisë dhe Mbrojtjes.
Kurset institucionale dhe funksionale për zhvillimin e karrierës në Forcat e Armatosura.
