Aleks Marku

Sekretari i Përgjithshëm i Ministrisë së Mbrojtjes të Republikës së Shqipërisë 2024 -

Zoti  Aleks Marku që nga nëntori i vitit 2024 është Sekretari i Përgjithshëm i Ministrisë së Mbrojtjes.

Ka kryer studimet e larta për Drejtësi në Universitetin e Shkodrës, Fakulteti Juridik, në vitet 1999 - 2003 duke marrë titullin “Jurist” dhe njëherazi mban titullin “Avokat”, të lëshuar nga Dhoma Kombëtare e Avokatisë.

Ka një karriere prej më shumë se 19 vitesh në administratën shtetërore shqiptare.

Përpara kësaj detyre, nga viti 2019 deri në korrik 2024 ka qenë drejtor i Divizionit Ligjor dhe Administratës në Autoritetin Portual Durrës duke luajtur një rol të rëndësishëm në hartimin edhe zhvillimin e projekteve si dhe në hartimin e Politikës së Zhvillimit të Autoritetit Portual Durrës si një kompleks portual. Njëherazi ka mbajtur dhe postin e kryetarit të Këshillit Mbikëqyrës të shoqërisë “Albanian Seaport Developement” sh.a., shoqëri, që përfaqëson interesat e shtetit shqiptar në investimin strategjik “Marina dhe Jahtet e Durrësit”.

Në periudhën 2011 - 2018 ka mbajtur pozicion drejtues si përgjegjës i Sektorit të Legjislacionit në Drejtorinë e Përgjithshme të Parandalimit të Pastrimit të Parave, ku ka luajtur rol të rëndësishëm në reformën ligjore dhe nënligjore në fushën e parandalimit të pastrimit të parave dhe atë të masave kundër financimit të terrorizmit dhe më pas deri në nëntor 2019 ka mbajtur pozicionin e koordinatorit në Njësinë e Transparencës dhe Antikorrupsionit në Kryeministri.

Më herët, për më shumë se 6 vite, ka mbajtur detyra që trajtonin çështje të të drejtave të pronësisë në Agjencinë e Kthimit dhe Kompensimit të Pronave si dhe në sistemin e burgjeve.

Është njohës shumë i mirë i gjuhës gjermane dhe italiane. Ka njohuri të mira të gjuhës angleze.

Ai është i martuar dhe ka dy fëmijë.

This email address is being protected from spambots. You need JavaScript enabled to view it.