Modernizimi i Forcave tё Armatosura

Modernizimi i Forcave tё Armatosura është njё proces kompleks, i cili përfshin ndryshimet thelbësore të kapaciteteve materiale për tё pёrmbushur objektivat strategjikë.
Forcat e Armatosura synojnë rritjen e niveleve cilësore nëpërmjet shndërrimit të tyre në një forcë profesioniste, të mirëstërvitur, të pajisur me sisteme të teknikës dhe të armatimit bashkëkohor, me mjete moderne e të ndërveprueshme, dhe të aftë për të realizuar operacione të një spektri të gjerë. Këtij qëllimi i shërben procesi i modernizimit në FA.

Lexo mё shumё ...

Modernizimi me Pajisje

Modernizimi i çdo vendi të NATO është shprehje e rritjes së kapaciteteve kombëtare, të standardizuara dhe ndërvepruese, në plotësim të misionit kushtetues të Forcave të Armatosura të Republikës së Shqipërisë, e sidomos në përmbushje të pjesëmarrjes së vendit tonë në operacione dhe misione të NATO në mbështetje të vendosjes së paqes në teatrot e veprimeve luftarake dhe paqeruajtëse.

Ministria e Mbrojtjes e ka konsideruar procesin e modernizimit të Forcave të Armatosura si një detyrë parësore e cila buron nga programi i qeverisë dhe synimi ynë për të qenë pjesë e denjë dhe e integruar e Aleancës, si dhe në përmbushje të detyrimeve që rrjedhin nga Samiti i Uellsit në këtë drejtim. Ministria e Mbrojtjes, në përqafim të plotë me planet e zhvillimit dhe të veprimit të Aleancës, në vijim të programeve të “Smart Defence” ka kryer një planëzim më të detajuar për nevojat dhe perspektivën e modernizimit të Forcës së Armatosur, në rritje të nivelit të pjesëmarrjes së kontingjenteve tona në misionet e drejtuara nga Kombet e Bashkuara, NATO, Bashkimi Europian (BE).

Modernizimi në Forcën Tokësore

Investimet në Forcën Tokësore (FT) kanë synuar në mbështetjen e forcave ushtarake që marrin pjesë në misione të cilat drejtohen nga NATO, OKB, BE, siç kanë qenë misionet në Irak dhe Afganistan. Gjithashtu ai synon në mbështetjen e njësive të përparësisë sipas objektivave të forcës, të pranuara nga vendi jonë, në kuadrin e plotësimit të standardeve të NATO. Në renditje të kontratave të mëparshme të lidhura në këtë kuadër janë të tilla si:

- Blerja e pajisjeve të Mbrojtjes së Armëve të Dëmtimit në Masë (MADM),
- Blerja e pajisjeve për kompaninë e xhenios, EOD (Explosive Ordnance Disposal),
- Komunikimi Taktik me Radio,
- Pajisjet Fushore,
- Qendrat Operacionale Taktike të lëvizshme,
- Blerja e armatimit të lehtë dhe municioneve,
- Blerja e armatimit për misionet e OMLT (Operational Mentor and Liaison Team).

Ministria e Mbrojtjes e Republikës së Shqipërisë ka përfunduar edhe faza të veçanta të projektit të “Kompletimit të njësive dhe nën-reparteve të Forcave Tokësore me Armatim të lehtë” si më poshtë:

- Blerja e armatimit të lehtë, Automatik MK - 4, granat - hedhës M203, Pistoletë Beretta, Mitralozë MG4 dhe MG5, Snajpera SAKO 22’ dhe 42’, si dhe fishekët përkatës për këto kalibra armatimi.
- Kompletimi i FT me mjete transporti dhe me pjesë këmbimi bashkëlidhur (autobuz, mikrobuz)
- Kompletimi i FT me makina të transportit të trupave Land Rover Defender sipas misioneve përkatëse
- Kompletimi i Policisë Ushtarake me pajime dhe pajisje taktike individuale
- Kompletimi i Forcave Speciale me pajisje dhe pajime individuale dhe kolektive
- Plotesimi me aksesorë i pushkës autimatike M4A1.

Modernizimi në Forcën Detare

Modernizimi në Forcën Detare (FD) ka si qëllim rritjen e kapaciteteve operacionale të Rojes Bregdetare shqiptare në operacionet e kërkim - shpëtimit (SAR) dhe zbatimit të ligjshmërisë në det. Disa nga projektet/kontratat në vazhdim edhe për vitin 2016 janë:

- Përfundimi i kontratës për ndërtimin e anijeve për Rojen Bregdetare,
- Projekti i përmirësimit të sistemi të vëzhgimit detar,
- Projektet për Qendrën Operacionale Ndërministrore të Detarisë.
- Projekti i krijimit të kapaciteteve të nxjerrjes së të dhënave dhe hartave detare
- Projekti i kompletimit me sistem armatimi detar 20 mm të anijeve të klasit Iliria
- Kompletimi i grupeve të bordimit me pajisje dhe pajime përkatëse.

Modernizimi në Forcën Ajrore

Modernizimi i Forcës Ajrore (FAj) synon në mbështetjen e tyre për plotësimin e misionit. Përparësi është krijimi i një flote me helikopterë të aftë për mbështetjen e misioneve në nivel kombëtar dhe për pjesëmarrje në operacione që drejtohen nga NATO. Disa nga projektet janë:

- Përmbushja e kontratës së kompletimit të FA me helikopterë Cougar,
- Kompletimi i FA me dy helikopterë kërkim - shpëtimi EC 145,
- Krijimi i kapaciteteve të komandim - kontrollit ajror
- Vazhdimi i projekteve me NATO si NATINADS dhe ASBE - Projekte që lidhen ngushtë me modernizimin e sistemit të vëzhgimit ajror.
- Trajnimi i pilotëve në shkolla të vendeve partnere

Po kështu janë në proces projekte të tilla si:

- Kompletimi i Helikopterit Cougar MedEvac me pajisje shëndetësore dhe pajisje shpëtimi
- Blerja e shërbimit të riparimit dhe të mirëmbajtjes se helikopterëve të gjeneratës se katër të helikopterëve Cougar dhe EC 145.
- Blerja e shërbimit te mirëmbajtjes per çdo helicopter në tabelën e organizimit të pajisjeve për Forcën Ajrore
- Blerja e GPU mjeteve të mbështetjes në tokë për helikopterët.

Projekte të tjera

- Blerje e software dhe hardware për sistemet e automatizuara të Forcave të Armatosura
- Kompletimi i Policisë Ushtarake me mjete të Blinduara 4x4
- Projekti i uniformave ushtarake
- Projekti i përditësuar i Qendrës së Simulimit Ushtarak bazuar në JCAT
- Projekti i administrimit të sistemit Alfa Web
- Projekti i automatizimit dhe menaxhimit të materialeve logjistike