Ministri Vengu në Qendrën e Inovacionit të Sigurisë dhe Mbrojtjes: Inovacioni, në qendër të transformimit të mbrojtjes

e mërkurë, 15 tetor 2025 21:37

Ministri i Mbrojtjes Pirro Vengu ishte në Qendrën e Inovacionit të Sigurisë dhe Mbrojtjes, ku u diskutua rreth hapave të mëtejshëm në strategjisë kombëtare “Mbrojtja 2030”.

Gjatë takimit me punonjës të QISM u theksua rëndësia e implementimit të Inteligjencës Artificiale , si instrument kyç për sintetizimin e informacionit si dhe zhvillimi teknologjik i Forcave të Armatosura në nivel kapilar. Në fokus ishte edhe mbështetja e industrisë së mbrojtjes nëpërmjet teknologjive inteligjente dhe inovative

“Inovacioni është në qendër të vizionit tonë për transformimin e gjithë konstelacionit të Mbrojtjes në një mekanizëm inteligjent dhe promotor të modernizimit”, u shpreh ministri Vengu.
Në këtë takim u nënvizua përkushtimi i Ministrisë së Mbrojtjes për të avancuar teknologjitë moderne dhe për të ndërtuar një sistem mbrojtjeje më efikas dhe të përgatitur për sfidat e së ardhmes.