Ministri Peleshi pret kryetarin e Komitetit Ushtarak të NATO, admiral Robert Bauer

e hënë, 06 shkurt 2023 13:06

Ministri i Mbrojtjes Niko Peleshi priti në një takim të veçantë kryetarin e Komitetit Ushtarak të NATO admiral Robert Bauer, i cili ndodhet për vizitë në Shqipëri me ftesë të shefit të Shtabit të Përgjithshëm të FA, gjeneral brigade Arben Kingji.

Ministri Peleshi e vlerësoi këtë vizitë si të rëndësishme në një kohë të trazuar për situatën e mbrojtjes dhe sigurisë, jo vetëm në kontinentin evropian, por në të gjithë botën mbarë. Më tej ministri i Mbrojtjes e përgëzoi kreun e Komitetit Ushtarak për lidershipin e treguar deri më tani me autoritetet më të larta ushtarake të NATO si dhe për këshillat ushtarake mjaft të vlefshme dhe profesionale, të marra nëpërmjet konsensusit të të gjithë vendeve anëtare dhe rëndësinë e tyre në vendimmarrjen politike.

Lexo më shumë...

Ministri i Mbrojtjes Niko Peleshi pritet në Pentagon nga sekretari i Mbrojtjes Lloyd J. Austin III

e premte, 27 janar 2023 10:27

Ministri i Mbrojtjes Niko Peleshi gjatë vizitës së tij zyrtare në SHBA u prit në Pentagon nga sekretari amerikan i Mbrojtjes Lloyd J. Austin III.

Bisedimet e tyre u fokusuan në vazhdimin e bashkëpunimit strategjik të Shqipërisë me Shtetet e Bashkuara të Amerikës në fushën e Mbrojtjes dhe Sigurisë si dhe në forcimin e dialogut politik.
Sekretari Austin dhe ministri Peleshi diskutuan për ndihmën që iu dha Shqipërisë nga Garda Kombëtare e Nju Xhersit pas sulmit kibernetik dhe ranë dakord të vazhdojnë të punojnë së bashku për të forcuar edhe më shumë aftësitë e mbrojtjes kibernetike të Ministrisë së Mbrojtjes së Shqipërisë.

Lexo më shumë...

Situata si pasojë e kushteve të motit në vend

e martë, 24 janar 2023 12:35

Situata në vend datë 24 janar 2023, ora 12:30

Sipas parashikimit të motit nga Instituti Gjeoshkencave dhe Shërbimi Meteorologjik ushtarak ditët në vazhdim do të jenë me kthjellime dhe alternime vranësirash në të gjithë vendin.

Ditën e sotme do të ketë reshje bore me intensitet të ulet në qarkun e Korçës, ditët në vijim do të ketë edhe në qarqet Kukës dhe Dibër.

Si pasojë e temperaturave në vlera negative do të kemi ngrica përgjatë akseve rrugore në relievet malore të vendit.

Lexo më shumë...

Situata për shkak të kushteve të motit

e hënë, 23 janar 2023 12:30

Situata në vend datë 23 janar 2023, ora 12:30

I gjithë territori i vendit do të ketë reshje me intensitet të lartë, të cilat do të jenë më të përqendruara në jug të territorit. Në qarqet, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane të këtyre qarqeve mund të shfaqen probleme me përmbytje të lokalizuara.

Në zonat malore në lartësitë 700 - 800 mbi nivelin e detit do të ketë reshje dëbore me intensitet të ulët.

Nga raportimet në Qendrën Kombëtare Operacionale të Emergjencave Civile nuk paraqiten problematika të theksuara.

Lexo më shumë...