Dallëndyshe Bici

Zëvendësministër i Mbrojtjes i Republikës së Shqipërisë
2021 -

Zj. Dallëndyshe Bici prej 05 majit 2021 është zëvendësministër i Mbrojtjes i Republikës së Shqipërisë.

Ka kryer studimet e larta në Universitetin e Tiranës, Fakulteti i Drejtësisë dhe është kualifikuar nga Dhoma e Avokatisë me titullin ‘’Avokat’’.
Zotëron një Master në Universitetin e Bordeaux në Francë, dega “Administrim Institucionesh”.
Përpara se të merrte postin si zëvendësministre e Mbrojtjes, ka mbajtur pozicione të rëndësishme drejtuese si ai i drejtoreshës në Drejtorinë e Inspektimit Juridik, në Inspektoratin Ndërtimor Urbanistik Kombëtar dhe atë të kryeinspektores në Institutin Kombëtar të Mbrojtjes së Territorit. Eksperiencat në sektorin privat ashtu edhe në atë publik kanë bërë që detyrat e saj të jenë përmbushur dhe realizuar me sukses.
Në zgjedhjet parlamentare të prillit 2021, kandidoi për deputete në qarkun e Tiranës.

Përveç gjuhës amtare, flet gjuhën angleze, frënge dhe italiane.

Fusha e angazhimit: Drejton, kontrollon dhe përgjigjet për mbarëvajtjen e punës së institucionit, për çështjet e veprimtarisë që mbulon sipas përcaktimit të bërë me urdhër të ministrit.