Pranvera Skana

Zëvendësministër i Mbrojtjes i Republikës së Shqipërisë
2026 -

Znj. Pranvera Skana, prej datës 1 prill 2026, ushtron detyrën e zëvendësministres së Mbrojtjes të Republikës së Shqipërisë.

Ajo ka përfunduar studimet e larta në Universitetin e Tiranës në fushën e gazetarisë dhe komunikimit, si dhe ka vijuar formimin akademik në Mbretërinë e Bashkuar, ku ka kryer studimet master në University of Westminster dhe ka qenë kërkuese shkencore, në London School of Economics.

Znj. Skana ka ushtruar profesionin si pedagoge në institucionet e arsimit të lartë në vend dhe mban titullin “Profesor i Asociuar”, në shkencat e komunikimit

Gjatë karrierës së saj profesionale, ajo ka ndërtuar një përvojë të konsoliduar në media, në sistemin universitar dhe diplomaci. Skana, ka shërbyer në Ambasadën e Republikës së Shqipërisë në Londër gjatë viteve 2016 deri në 2019, ku është angazhuar në veprimtari të diplomacisë publike dhe promovimit të Shqipërisë në arenën ndërkombëtare.

Me ekspertizën e saj në komunikim, marrëdhëniet publike dhe diplomaci, Znj. Skana pritet të sjell një kontribut të ndjeshëm në përmbushjen e prioriteteve të Ministrisë së Mbrojtjes.