Dokumente Strategjikë

Plani Afatgjatë i Zhvillimit të Forcave të Armatosura 2024 - 2033

Plani Afatgjatë i Zhvillimit të Forcave të Armatosura të Republikës së Shqipërisë (PAZH 2024–2033) është dokumenti kryesor për zhvillimin e kapaciteteve të Forcave të Armatosura, si dhe është baza për hartimin e planeve mbështetëse të zhvillimit të Forcave të Armatosura të Republikës së Shqipërisë. Ky plan ka për qëllim të kthejë objektivat e Strategjisë Ushtarake në kapacitete dhe aftësi ushtarake në zbatim të misionit kushtetues, detyrave kombëtare dhe detyrimeve në kuadër të NATO.

Procesi i Planifikimit të Mbrojtjes së vendit tonë dhe Plani Afatgjatë i Zhvillimit të FA-së i referohet elementeve më të rëndësishme të ambicies dhe objektivave të mbrojtjes, dinamikës dhe harmonizimit me proceset e planifikimit të Aleancës (NDPP). Kjo dinamikë do të lehtësojë përcaktimin e fazave të planifikimit dhe zhvillimit të kapaciteteve, si dhe përafrimin me kuadrin normativ të synimeve të dokumenteve kryesore strategjike të sigurisë dhe mbrojtjes. Me miratimin e PAZHFA 2024–2033, strukturat e FA-së do të hartojnë planet e tyre respektivë të detajuara, planin e vendosjes dhe planet mbështetëse sipas fushave.

PAZHFA ka një afat 10-vjeçar, por ai do të rishikohet çdo katër vjet ose sa herë që do të ketë rishikim të dokumenteve strategjike, si Strategjia e Sigurisë Kombëtare (SSK) dhe Strategjia Ushtarake (SU) e Republikës së Shqipërisë.

Ligji nr. 84/2024 PAZHFA në pdf

Strategjia e Sigurisë Kombëtare

Strategjia e Sigurisë Kombëtare synon të pasqyrojë në mënyrë sa më gjithëpërfshirëse sfidat dhe kërcënimet kryesore për sigurinë kombëtare të vendit tonë, si dhe të përfshijë përgjigjet institucionale ndaj tyre në harkun kohor 2023 - 2028.

Rendi ndërkombëtar i bazuar në rregulla është aktualisht i sfiduar nga përdorimi agresiv i forcës ushtarake për pushtim territoresh, ndërkohë që regjimi i kontrollit të armëve thuajse është zhbërë tërësisht. Krahas ndryshimeve gjeopolitike dhe kërcënimeve të shtuara të sigurisë, sfida të rëndësishme shfaqen dhe në hapësirën kibernetike, ku teknologjia mund të përdoret në çdo kohë si armë kundër qëndrueshmërisë sociale, ekonomike dhe politike. Kërcënimet e sigurisë bëhen dhe më sfiduese për shkak të mungesës së një regjimi të kontrollit të armëve kibernetike.

Situata aktuale ka krijuar në këtë mënyrë një akumulim sfidash dhe kërcënimesh të cilat shtrihen nga dimensioni klasik i riaktualizimit të mbrojtjes ushtarake të territoreve, tek terrorizmi dhe përdorimi i efekteve të teknologjive në zhvillim në formë dëmtuese/çorientuese e deri në ndryshime klimatike e rreziqe mjedisore.

Strategjia e Sigurisë Kombëtare në pdf

Strategjia Ushtarake

Strategjia Ushtarake (SU) është dokumenti themelor që jep vlerësimin mbi tendencat kryesore që do të formësojnë Mbrojtjen dhe Sigurinë Kombëtare bazuar në mjedisin ndërkombëtar gjeopolitik të sigurisë, sipas përcaktimeve të SSK.

Gjithashtu, përcakton objektivat, parimet dhe konceptet kryesore për funksionimin dhe zhvillimin e sistemit të mbrojtjes, si dhe drejtimin e përdorimin e Forcave të Armatosura të Republikës së Shqipërisë (FARSH).

Ajo bazohet në Kushtetutën e Republikës së Shqipërisë dhe në Strategjinë e Sigurisë Kombëtare (SSK).

Strategjia Ushtarake në pdf

Rregullore për Procesin e Planifikimit dhe Harmonizimit në Ministrinë e Mbrojtjes dhe FARSH

Miratuar me urdhër të ministrit të Mbrojtjes nr. 129, datë 31.01.2024:

Rregullore për Procesin e Planifikimit dhe Harmonizimit në Ministrinë e Mbrojtjes dhe Forcat e Armatosura të Republikës së Shqipërisë

Udhëzues për bashkëpunimin me organizatat e Shoqërisë Civile në Ministrinë e Mbrojtjes dhe FARSH

Miratuar me urdhër të ministrit të Mbrojtjes nr. 130, datë 31.01.2024:

Udhëzues për bashkëpunimin me organizatat e Shoqërisë Civile në Ministrinë e Mbrojtjes dhe Forcat e Armatosura të Republikës së Shqipërisë

Strategjia Kombëtare për Zhvillim dhe Integrim Evropian 2022–2030

Strategjia Kombëtare për Zhvillim dhe Integrim Evropian 2022–2030 (SKZHI) është dokumenti kryesor strategjik kombëtar që mbështet zhvillimin e qëndrueshëm social dhe ekonomik të vendit, duke siguruar përmbushjen e standardeve dhe progresin në procesin e integrimit evropian.

SKZHI 2022 - 2030 kombinon agjendën zhvillimore me proceset integruese të vendit, duke përmbledhur vizionin, prioritetet dhe objektivat madhore kombëtare. SKZHI 2022 - 2030 është një platformë kyçe për planifikimin e zhvillimit të vendit për periudhën 2022 - 2030.

VKM nr. 88/2023 në formatin pdf

Lexo më shumë...

Direktiva e Komunikimit Strategjik

Direktiva e Komunikimit Strategjik (DKS) bazohet në tërësinë e kornizës aktuale gjeostrategjike, politike dhe ekonomike në të cilën Mbrojtja operon sot, si dhe në një vlerësim për trendet kryesore që në të ardhmen do të formësojnë sigurinë kombëtare dhe mjedisin ndërkombëtar...

Direktiva e Komunikimit Strategjik në formatin PDF