Zëvendësministrja e Mbrojtjes Blerina Abrazhda, folëse kryesore në Qendrën Marshall: “Baza industriale e mbrojtjes është themeli i lirisë strategjike”

Zëvendësministrja e Mbrojtjes, znj.Blerina Abrazhda, ishte folësja kryesore në kursin “Emerging Security Issues” të Qendrës Evropiane për Studime të Sigurisë “George C. Marshall”, me seli në Garmisch-Partenkirchen të Gjermanisë, gjatë javës kushtuar bazës industriale të mbrojtjes.

Fotogaleria

Si ish-pjesëmarrëse e programeve të Qendrës Marshall dhe me 15 vite përvojë në industrinë e mbrojtjes, Abrazhda solli në diskutim ekspertizën e saj profesionale, të ndërthurur me perspektivën e saj si zëvendësministre e Mbrojtjes së Shqipërisë.

Gjatë sesionit, vëmendja u përqendrua te gjeopolitika e industrisë së mbrojtjes dhe ndikimi i kapaciteteve prodhuese, varësive të furnizimit dhe bashkëpunimit industrial në aftësinë e shteteve dhe aleatëve të NATO-s për të përballuar kriza të zgjatura.

“Baza industriale e mbrojtjes është themeli i lirisë strategjike”, - theksoi zëvenêsministrja e Mbrojtjes Abrazhda, një mesazh i veçuar edhe nga Qendra Marshall.

Përvoja e saj në industrinë evropiane dhe amerikane të mbrojtjes sjell në drejtimin e mbrojtjes shqiptare njohuri të drejtpërdrejta mbi lidhjen mes industrisë, teknologjisë dhe sigurisë kombëtare.

Qendra Evropiane për Studime të Sigurisë “George C. Marshall”, është një institucion i përbashkët amerikano-gjerman, shërben si platformë për studime të sigurisë dhe dialog strategjik mbi sfidat bashkëkohore.

Artikuj nga Newsroom