Ministri Nufi nderon kujtimin e Mustafa Kemal Atatürk-ut gjatë vizitës në Turqi

Ministri i Mbrojtjes, Ermal Nufi, ka nderuar kujtimin e Mustafa Kemal Atatürk-ut, themeluesit të Republikës së Turqisë, gjatë vizitës zyrtare në këtë vend.

Fotogaleria

Përmes një postimi në rrjetet sociale, Nufi ndau momente nga vizita në Mauzoleumin e Atatürk-ut, duke e cilësuar këtë përvojë si një mundësi për reflektim mbi historinë, vizionin dhe rrugëtimin e popullit turk. Ai shprehu respekt për figurën e Atatürk-ut dhe popullin turk, me të cilin Shqipëria ndan lidhje të hershme miqësie dhe një partneritet të konsoliduar.

Nufi vlerësoi marrëdhëniet mes dy vendeve, të mbështetura në lidhjet historike dhe bashkëpunimin e vazhdueshëm Shqipëri-Turqi.