Koncepti strategjik i NATO

Krerët e shteteve pjesëmarrës të NATO miratuan Konceptin e ri Strategjik për Aleancën në Madrid më 29 qershor 2022, duke përcaktuar prioritetet, detyrat kryesore dhe qasjet e Aleancës për dekadën e ardhshme.

Koncepti ripohon vlerat dhe tregon qartazi qëllimin kryesor të NATO për të siguruar mbrojtjen kolektive. Në dekadën e ardhshme, tre detyrat kryesore të NATO janë: 1. parandalimi dhe mbrojtja; 2. parandalimi dhe menaxhimi i krizave dhe 3. bashkëpunimi për sigurinë.

Nisma e NATO 2030 synon një Aleancë të gatshme për t'u përballur me sfidat e së nesërmes.

Për më shumë ndiqni lidhjen: https://www.nato.int/strategic-concept/

Ministri i Mbrojtjes Niko Peleshi mori pjesë në Samitin e NATO në Madrid

Ministri i Mbrojtjes Niko Peleshi, i shoqëruar edhe nga zëvendësshefja e Shtabit të Përgjthshëm të FA gjeneralmajor Manushaqe Shehu, mori pjesë në Samitin e NATO që u zhvillua këto dy ditë në Madrid, Spanjë, si pjesë e delegacionit shqiptar të kryesuar nga kryeministri Edi Rama.

Mbajtja e këtij Samiti 3 - ditor u vlerësua si një moment historik, për vendimet mjaft të rëndësishme që u morën për orientimin e kursit të sigurisë dhe mbrojtjes në një situatë delikate sigurie, ku Rusia dhe Kina vijojnë të sfidojnë rendin botëror të bazuar në rregullat ndërkombëtare.

Lexo më shumë...

Shqipëria 13 vjet në NATO, Peleshi: Do të shtojmë kontributet pro paqes dhe lirisë në botë

Shqipëria shënon sot 13 - vjetorin e anëtarësimit në NATO.

Ministri i Mbrojtjes Niko Peleshi ka uruar shqiptarët dhe veçanërisht Forcat e Armatosura për këtë ditë të shënuar ...

Lexo më shumë...

Mbledhje e jashtëzakonshme e ministrave të Mbrojtjes së NATO për Ukrainën, Peleshi: Shqipëria e gatshme për ndihmë humanitare, vëmendje ndaj Ballkanit

Në selinë e NATO Bruksel, Belgjikë, sot u zhvillua takimi i jashtëzakonshëm i ministrave të Mbrojtjes së NATO, ku fokusi kryesor ishte situata në Ukrainë pas pushtimit nga Rusia.

Ministri i Mbrojtjes zoti Niko Peleshi, në fjalën e tij, qartësoi edhe njëherë pozicionin e Shqipërisë në mbështetje të plotë të integritetit territorial dhe sovranitetit të Ukrainës si dhe dënoi rëndë shkeljen e ligjit ndërkombëtar nga ana e Rusisë.

Ai solli në vëmendje se, Shqipëria iu bashkua pa asnjë hezitim vendeve të tjera të NATO dhe BE, që vendosën sanksione ndaj Rusisë, si dhe gatishmërinë e plotë të qeverisë shqiptare për të ofruar ndihmë dhe asistencë humanitare për Ukrainën.

Lexo më shumë...

Ministri Peleshi në Agjencinë e NATO-s për Prokurimet: Reformojnë tërësisht praktikën e prokurimeve në FA

Prokurimet më domethënëse të Forcave të Armatosura shqiptare për mjete, pajisje, armatim dhe shërbime do të kryhen nga Agjencia e NATO për Mbështetjen dhe Prokurimet (NSPA).

Prokurimet nëpërmjet NSPA do të garantojnë, jo vetëm ekspertizë më të madhe në hartimin dhe zbatimin e kontratave, por edhe çmime më të mira, duke qenë se kjo agjenci ka një fluks shumë herë më të lartë në marrjen e shërbimeve dhe blerjen e pajisjeve nga operatorët më të mëdhenj globalë që operojnë në fushën e sigurisë dhe mbrojtjes.

Lexo më shumë...

Peleshi në Ministerialin e NATO: Shqipëria mbështet pa rezerva sovranitetin dhe integritetin territorial të Ukrainës

Në ditën e dytë të Ministerialit të Mbrojtjes në Bruksel, ministrat e vendeve të NATO u takuan me përfaqësuesin e lartë të BE për politikën e jashtme z. Josep Borell dhe ministrat e Mbrojtjes së Suedisë, Finlandës, Ukrainës dhe Gjeorgjisë.

Ministri Peleshi në këtë sesion, solli në vëmendje se Shqipëria vazhdimisht e ka parë bashkëpunimin NATO-BE si një nxitës kryesor në forcimin e sigurisë dhe mbrojtjes në Evropë dhe më gjerë. Ky bashkëpunim bëhet edhe më vital ndërsa përpiqemi të parandalojmë krizën aktuale në Ukrainë, e cila mund të ketë implikime për të gjithë kontinentin evropian.

Lexo më shumë...