Anija “Butrinti” niset në operacionin e NATO në detin Egje
Anija “Butrinti” dhe Kontingjenti i 7 i Forcës Detare shqiptare u nisën për operacionin e NATO në detin Egje “Sea Guardian”. “Butrinti” zëvendëson në këtë mision anijen “Oriku”, e cila shërbeu për rreth një vit në detin Egje, duke marrë pjesë në shumë operacione shpëtimi.
Në ceremoninë e zhvilluar me këtë rast në Flotiljen Detare të Pashalimanit, morën pjesë ministrja e Mbrojtjes Olta Xhaçka, kryetari i bashkisë së Vlorës Dritan Leli, ambasadorja e Francës Christina Vasak, komandantët e forcave, dhe familjarë të detarëve që u nisën në mision.

Xhaçka: Rrisim prezencën tonë me 60% në Afganistan në 2018
23 dhjetor 2017
“Do të rrisim prezencën tonë me 60% në Afganistan në 2018”, deklaroi ministrja e Mbrojtjes znj. Olta Xhaçka gjatë ceremonisë së pritjes së kontigjentit të 6–të që përfundoi misionin në Kabul dhe përcjelljes së kontigjentit të 3 –të me mision në Herat, Afganistan.

NATO: Misioni i “Orikut” në Egje, moment i rëndësishëm për Forcat Detare shqiptare
24 nëntor 2017
Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s.
Ajo që vihet re në këtë artikull është vlerësimi dhe profesionalizmi i arritur nga ekuipazhi i anijes gjatë këtij misioni, i cili ka përfunduar me sukses turin 1-vjeçar në operacionin e NATO-s, në Egje.

Ministrja Xhaçka në Ministerialin e NATO në Bruksel
8-9 nëntor 2017
Ministeriali i NATO në nivelin e ministrave të Mbrojtjes, që u mbajt në datat 8 dhe 9 nëntor në Bruksel konfirmoi vlerësimin që aleatët e Shqipërisë në NATO kanë për Forcat e Armatosura të vendit tonë. Gjatë dy ditëve të takimit, ministrja e Mbrojtjes Olta Xhaçka u takua me homologë të vendeve anëtarë të NATO.

Konferenca e Komitetit Ushtarak të NATO në Tiranë
Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës.
Në sesionin e hapjes së kësaj konference, mori pjesë edhe kryeministri z. Edi Rama, i cili shoqërohej nga ministrja e Mbrojtjes znj. Olta Xhaçka.

Ministrja Kodheli në Ministerialin e NATO në Bruksel
Ministrja e Mbrojtjes, znj. Mimi Kodheli, merr pjesë në punimet e Ministerialit të Mbrojtjes që po zhvillohet në Bruksel. Në këtë ministerial do të diskutohen tema të rëndësishme që kanë të bëjnë me sfidat e Aleancës, si dhe zhvillimet e fundit lidhur me sigurinë dhe mbrojtjen.
Ministrja e Mbrojtjes Kodheli, në një prononcim për median, e ka vlerësuar këtë ministerial si shumë të rëndësishëm, pasi ai është i dyti mbas Samitit të Uellsit dhe që parapërgatit një Samit tjetër të rëndësishëm, siç është ai i Varshavës që do të mbahet vitin e ardhshëm.

Kodheli në Ministerialin e NATO në Bruksel
Ministrja e Mbrojtjes, znj. Mimi Kodheli, mori pjesë në takimin e ministerialit të zhvilluar sot në Bruksel. Ky ishte takimi i parë i ministrave të Mbrojtjes së vendeve aleate, që pas Samitit të Uellsit, në shtatorin e vitit të kaluar. Takimi u hap me diskutimet rreth vendimeve të marra në Uells dhe me shikimin drejt Samitit të Varshavës në 2016, për t’u fokusuar më tutje me planet e veprimit për gatishmërinë.

Artikuj nga Newsroom
e mërkurë, 08 tetor 2025
Përballimi i emergjencave civile, prezantohen masat për një kapitull të ri të Mbrojtjes Civile
e shtunë, 04 tetor 2025