Ministri Peleshi në Komandën e NATO në Napoli: Shqipëria shton trupat në KFOR

Ministri i Mbrojtjes z. Niko Peleshi, në kuadër të zhvillimit të një vizite zyrtare në Republikën e Italisë, zhvilloi një vizitë në Komandën e Forcës së Bashkuar në Napoli (JFCNP), ku u prit nga komandanti i kësaj komande, admiral Robert Burke.
Pasi i uroi mirëseardhjen, admiral Burke e njohu ministrin Peleshi me disa prej detyrave të komandës që ai drejton dhe fokusin e pati tek roli dhe përgjegjësitë që kjo komandë ka në rajonin e Ballkanit Perëndimor. Ai vlerësoi maksimalisht kontributin e FARSH në misionet dhe operacionet e drejtuara nga NATO, si dhe vuri theksin në rolin konstruktiv që vendi ynë luan për stabilitetin dhe bashkëpunimin rajonal të vendeve të Ballkanit Perëndimor. 

Lexo më shumë...

Shqipëria shton kontributin në NATO, Peleshi: 21 efektivë të FA do të dërgohen me mision në Letoni

Shqipëria do të dërgojë në Letoni 21 efektivë të Forcave të Armatosura. Në komunikimin për mediat, pas mbledhjes së qeverisë, ministri i Mbrojtjes Niko Peleshi deklaroi se ky ishte një nga vendimet e marra në Këshillin e Ministrave për të vijuar kontributin e Forcave të Armatosura në misionin e NATO në Letoni.

“Ky kontribut ka filluar në vitin 2017 dhe deri më tani kemi dërguar aty rreth 200 efektivë. Ia vlen të theksohet se Letonia është një vend baltik në verilindje të Aleancës sonë, NATO dhe si e tillë misioni aty i Prezencës së Përparuar ka për synim përballimin e rrezikut që mund t’i vijë Aleancës nga vendet e Lindjes, por e veçanta e këtij kontributi është sepse ne kontribuojmë atje jo thjesht me efektivë, por me një specialitet që është i cilësuar NISH...

Lexo më shumë...

Shqipëria 10 vjet në NATO, Xhaçka: Ashtu si me Aleancën, do të jemi partnerë e aset edhe për BE

29 mars 2019

Shqipëria festoi 10 - Vjetorin e Anëtarësimit në NATO në një ceremoni në sheshin “Nënë Tereza” në Tiranë, ku morën pjesë presidenti i Republikës Ilir Meta, kryeministri Edi Rama, ministrja e Mbrojtjes Olta Xhaçka, ministrja e Mbrojtjes e Italisë Elisabeta Trenta, ajo e Maqedonisë së Veriut Radmilla Shekerinska, ministri i Mbrojtjes i Republikës së Kosovës Rrustem Berisha. Në këtë ceremoni morën pjesë gjithashtu shefi i Shtabit të Përgjithshëm të FA, gjeneral brigade Bardhyl Kollçaku, homologët e tij turk e grek si dhe mjaft të ftuar.

Lexo më shumë...

10 - Vjetori i Anëtarësimit në NATO, Xhaçka: Shqipëria ka konsoliduar rolin si një shtyllë stabilitetit në rajon

29 mars 2019

Ceremonitë e ditës së sotme me rastin 10 - Vjetorit të Anëtarësimit të Shqipërisë në NATO, nisën me një konferecë të drejtuar nga ministrja e Mbrojtjes Olta Xhaka, e cila falënderoi të gjithë anëtarët e Aleancës për mbështetjen e dhënë si dhe praninë e disa prej tyre në këtë ditë të rëndësishme për Forcat e Armatosura të Republikës së Shqipërisë. 

Lexo më shumë...

Ministeriali i NATO, Shqipëria vlerësohet për ratifikimin e Protokollit të Anëtarësimit të Maqedonisë së Veriut

14 shkurt 2019

Ministrja e Mbrojtjes Olta Xhaçka mori pjesë në Ministerialin e ministrave të Mbrojtjes të vendeve anëtare të NATO, që u zhvillua të mërkurën e të enjten në Bruksel e ku për herë të parë mori pjesë edhe Maqedonia e Veriut. Ministrja e Mbrojtjes e Maqedonisë së Veriut Radmilla Sheqerinska falenderoi Shqipërinë për ratifikimin e Protokollit të Anëtarësimit në Aleancë.

Lexo më shumë...

Ministeriali i NATO, takimi Stoltenberg - Xhaçka

14 - 15 shkurt 2018

Ministrja e Mbrojtjes, Olta Xhaçka, zhvilloi një takim të veçantë me sekretarin e Përgjithshëm të NATO, Jens Stoltenberg, gjatë takimi të ministrave të Mbrojtjes të vendeve anëtare të NATO, që mbahet në datat 14 dhe 15 shkurt në Bruksel.

“E informova sekretarin e Përgjithshëm mbi angazhimin e Shqipërisë, që brenda vitit 2024, 2% e Prodhimit të Brendshëm Bruto t’i dedikohet fushës së mbrojtjes, si edhe rikonfirmova rritjen e angazhimit të vendit tonë në të gjitha misionet e NATO dhe BE, apo edhe në misionin e ri kombëtar siç janë emergjencat civile”, - tha ministrja Xhaçka pas takimit.

Lexo më shumë...