Misioni
Pranimi, ruajtja, administrimi, përpunimi tekniko - shkencor, studimi shkencor, publikimi dhe vënia në shfrytëzim për interesa studimore a private të dokumenteve që janë krijuar e krijohen gjatë veprimtarisë në rrjetin arkivor të FA, të cilat shpallen me Rëndësi Historike Kombëtare (RHK); inspektimi dhe kontrolli i zbatimit të ligjit nr. 9154, datë 06.11.2003, ”Për Arkivat” dhe dhënie ndihmë metodike në sekretari, sekretari - arkiva e arkivat e Ministrisë së Mbrojtjes, SHPFA, komandave, njësive, reparteve dhe institucioneve në vartësi të tyre.
Detyrat:
- AQFA pranon, ruan, administron, përpunon dhe kryen shërbimin e shfrytëzimit të fondeve të dokumenteve të trashëguara, si dhe të atyre të krijuara gjatë veprimtarisë së Ministrisë së Mbrojtjes (MM) dhe Shtabit të Përgjithshëm të FA (SHPFA), komandave, njësive, reparteve dhe institucioneve në vartësi të tyre.
- Kontrollon veprimtarinë në rrjetin arkivor të sistemit të mbrojtjes për zbatimin e kërkesave të akteve ligjore e nënligjore që rregullojnë veprimtarinë arkivore për krijimin, evidentimin, ruajtjen, përpunimin dhe shfrytëzimin e dokumenteve.
- Bazuar në normat e përgjithshme tekniko - profesionale dhe metodologjike të shërbimit arkivor të Republikës së Shqipërisë, harton norma më të hollësishme për shërbimin arkivor të sistemit të MM dhe SHPFA, në përputhje me veçoritë e tij, si dhe jep ndihmë metodike e profesionale në rrjetin arkivor të strukturave dhe institucioneve në përbërje e varësi të MM.
- Programon politikën e shërbimit arkivor dhe strategjinë e zhvillimit të tij në sistemin e MM, në përputhje me programet dhe strategjinë e Këshillit të Ministrave, të MM dhe SHPFA.
- Pranon në ruajtje të përhershme dhe administrim dokumentet me Rëndësi Historike Kombëtare (RHK) të të gjitha strukturave fondkrijuese të sistemit të MM, të sistemuara dhe të inventarizuara sipas kërkesave arkivore, pasi të kenë plotësuar kohën e qëndrimit pranë institucionit fondkrijues bazuar në nenin 43 të ligjit nr. 9154, datë 06.11.2003, “Për Arkivat”.
- AQFA, në zbatim të nenit 46 të ligjit nr. 9154, datë 06.11.2003, “Për Arkivat”, kur vëren se dokumentet pranë strukturave fondkrijuese rrezikohen të zhduken apo të dëmtohen, i tërheq ato edhe para plotësimit të afatit ligjor.
- AQFA, në zbatim të nenit 14, pikat 3 dhe 4, të ligjit nr. 9154, datë 06.11.2003, “Për arkivat”, organizon punën për shqyrtimin e zhvlerësimit dhe deklasifikimit të informacionit të klasifikuar “sekret shtetëror” apo të dokumenteve të përkohshme, që kanë humbur vlerën e ruajtjes së mëtejshme, të cilat veçohen për asgjësim nga strukturat fondkrijuese të MM dhe SHPFA, si dhe me anë të organizmave që krijohen dhe që funksionojnë pranë tij, merr vendimet përkatëse.
- Përgatit dhe vë në shfrytëzim për qëllime studimore a private sipas rregullave të përcaktuara nga ligji për arkivat, të dokumenteve që ruan dhe administron.
- Jep informatë arkivore apo fotokopje dokumentesh, sipas kërkesës së paraqitur nga persona juridik e fizik, privat, kundrejt pagesës, sipas tarifave të miratuara nga MM, në bashkëpunim me Drejtorinë e Përgjithshme të Arkivave të Shtetit.
- Përgatit dhe dërgon për miratim në MM dhe SHPFA urdhrat dhe udhëzimet që lidhen me veprimtaritë arkivore të sistemit të mbrojtjes.
- Në kuadrin e bashkëpunimit ushtarak dy a shumëpalësh me vendet e NATO dhe ato partnere detajon dhe ndjek zhvillimin e marrëdhënieve në fushën e arkivave.
