Misioni dhe Detyrat

Misioni

Pranimi, ruajtja, administrimi, përpunimi tekniko - shkencor, studimi shkencor, publikimi dhe vënia në shfrytëzim për interesa studimore a private të dokumenteve që janë krijuar e krijohen gjatë veprimtarisë në rrjetin arkivor të FA, të cilat shpallen me Rëndësi Historike Kombëtare (RHK); inspektimi dhe kontrolli i zbatimit të ligjit nr. 9154, datë 06.11.2003, ”Për Arkivat” dhe dhënie ndihmë metodike në sekretari, sekretari - arkiva e arkivat e Ministrisë së Mbrojtjes, SHPFA, komandave, njësive, reparteve dhe institucioneve në vartësi të tyre.

Detyrat:

-  AQFA pranon, ruan, administron, përpunon dhe kryen shërbimin e shfrytëzimit të fondeve të dokumenteve të trashëguara, si dhe të atyre të krijuara gjatë veprimtarisë së Ministrisë së Mbrojtjes (MM) dhe Shtabit të Përgjithshëm të FA (SHPFA), komandave, njësive, reparteve dhe institucioneve në vartësi të tyre.

Lexo më shumë...

Gjendja, Aktiviteti, Dokumente

Gjendja e aktuale e fondeve arkivore:

Fonde gjithsej: 516
Trashëgimia dokumentare: 4.325 ml (35 milionë fletë), nga të cilat fonde të përpunuara: 1.340 ml (10.350.000 fletë) dhe  të papërpunuara: 2.985 ml (23.536.000 fletë).

Aktiviteti i AQFA

•    Përpunohen rreth 120 - 130 ml dokumente në vit ose afro 1 milion fletë.
•    Lëshohen mesatarisht 1000 vërtetime për kërkuesit.
•    Kthehen përgjigje zyrtare për rreth 400 kërkesa në vit.
•    Shfrytëzohen mesatarisht 1200 dosje e fashikuj nga studiuesit në vit.
•    Kryhet profilaksia e 800 bobinave të filmave.
•    Restaurohen mesatarisht 500 fletë në vit.

Lista e dokumente me Rëndësi Historike Kombëtare (RHK) për FA

Historiku i AQFA

Arkivi Qendror i Forcave të Armatosura (AQFA) u krijua me vendim të KM nr. 89, datë 21 mars 1964, duke dalë për herë të parë si institucion më vete.
Baza për krijimin e AQFA ishin dokumentet me karakter ushtarak të hartuara nga formacionet politike dhe ushtarake të vendit gjatë Luftës Nacionalçlirimtare, si dhe ato të veprimtarisë së Forcave të Armatosura Shqiptare në dy dekadat e parë të pasçlirimit.  Në ditën e Çlirimit të Tiranës, më 17 nëntor 1944, Shtabi i Përgjithshëm i Ushtrisë Nacionalçlirimtare, me një urdhër dërguar Korparmatës I porosiste të krijohej një komision në të cilin do të merrte pjesë një anëtar i Këshillit të Përgjithshëm Nacionalçlirimtar, i cili do të merrte në dorëzim të gjitha dokumentet zyrtare të shtetit shqiptar, të ministrive, të bashkive, të kuesturave, të ushtrisë kuislinge, dhe të ruheshin ato nga prej Forcave të Armatosura. Këto dokumente përbënin bazën e krijimit të fondit arkivor kombëtar, dhe më pas të krijimit të institucioneve që do të merreshin me pasurimin, sistemimin, ruajtjen dhe vënien në shfrytëzim të këtyre dokumenteve.

Lexo më shumë...

Shërbimet që ofron Arkivi Qendror i FA

- Lista e shërbimet që ofron Arkivi Qendror i FA

- Tarifat e shërbimeve

- Formulari i aplikimit në formatin word

Kontakt:

email: This email address is being protected from spambots. You need JavaScript enabled to view it.

Orari i pritjes

Orari i pritjes së kërkuesve:
e hënë - e enjte: 8:00 ÷ 16:30
e premte:           8:00 ÷ 14:00

Programi i Transparencës për Arkivi FA