Arkivi Qendror i Forcave të Armatosura (AQFA) u krijua me vendim të KM nr. 89, datë 21 mars 1964, duke dalë për herë të parë si institucion më vete.
Baza për krijimin e AQFA ishin dokumentet me karakter ushtarak të hartuara nga formacionet politike dhe ushtarake të vendit gjatë Luftës Nacionalçlirimtare, si dhe ato të veprimtarisë së Forcave të Armatosura Shqiptare në dy dekadat e parë të pasçlirimit. Në ditën e Çlirimit të Tiranës, më 17 nëntor 1944, Shtabi i Përgjithshëm i Ushtrisë Nacionalçlirimtare, me një urdhër dërguar Korparmatës I porosiste të krijohej një komision në të cilin do të merrte pjesë një anëtar i Këshillit të Përgjithshëm Nacionalçlirimtar, i cili do të merrte në dorëzim të gjitha dokumentet zyrtare të shtetit shqiptar, të ministrive, të bashkive, të kuesturave, të ushtrisë kuislinge, dhe të ruheshin ato nga prej Forcave të Armatosura. Këto dokumente përbënin bazën e krijimit të fondit arkivor kombëtar, dhe më pas të krijimit të institucioneve që do të merreshin me pasurimin, sistemimin, ruajtjen dhe vënien në shfrytëzim të këtyre dokumenteve.
Këtë veprimtari pararkivore Forcat e Armatosura do të kryenin deri në vitin 1949, kur, me vendim të Këshillit të Ministrave, u krijua Arkivi Qendror i Shtetit. Atij iu ngarkua misioni të grumbullonte dokumente nga lashtësia deri në vitin 1944, ato të institucioneve në veprim që mbushnin 20 vjet nga data e Çlirimit të vendit (nëntor 1944), të institucioneve që pushonin veprimtarinë e tyre dhe nuk vazhdonin në një institucion tjetër, të personave publikë me rëndësi (pas vdekjes së tyre) dhe të dokumenteve që flisnin për historinë e vendit tonë dhe ndodheshin jashtë shtetit
1950: Krijohet kartoteka e historisë - struktura fillestare arkivore në ushtri.
1964: Legalizohet Arkivi i MMP me VKM nr. 89, dt. 21.03.1964. Vendndodhja: në MM
1978: Ndërtohet godina e Arkivit Qendror të Ushtrisë (AQU), pranë Pallatit të Brigadave, Sauk.
1983: AQU, institucion autonom në varësi të ministrit të Mbrojtjes.
1987: AQU spostohet në godinën në lagjen “Ali Demi”.
1994: AQU spostohet në garnizonin e Shkollës së Lartë të Bashkuar të Oficerëve (sot Garnizoni “Skënderbej”, në godinën e ekzistuese).
1999: Arkivi emërtohet Arkivi Qendror i Forcave të Armatosura.
2012: Struktura e re e AQFA - krijohet Departamenti i Ekspozimit të Objekteve (Muzeu i FA)
2014: Struktura e re e AQFA - Departamenti i Ekspozimit të Objekteve (Muzeu i FA) kalon te QKMBMMSHP.
