Zëvendësministrja e Mbrojtjes Dallëndyshe Bici dhe shefi i Shtabit të Përgjithshëm të Forcave të Armatosura gjeneralmajor Bajram Begaj pritën në një takim në Ministrinë e Mbrojtjes deputetët e Komisionit të Sigurisë së Parlamentit të Kosovës.
Gjatë bisedës, ku morën pjesë edhe deputetë të Komisionit parlamentar të Sigurisë Kombëtare të Shqipërisë, zëvendësministrja e Mbrojtjes vlerësoi bashkëpunimin e shkëlqyer dhe vëllazëror midis dy vendeve tona.
Në takim u diskutua mbi implementimin e marrëveshjeve midis dy qeverive, në veçanti atë në fushën e Mbrojtjes, që dy ministrat e Mbrojtjes e nënshkruan më 18 maj 2021, në Prishtinë. Zëvendësministrja Bici u shpreh se “Shqipëria mbetet e angazhuar në fushatën e saj diplomatike për shtimin e vendeve që njohin shtetin e pavarur të Kosovës dhe tashmë edhe në cilësinë e anëtarit të Këshillit të Sigurimit të OKB”. Znj. Bici konfirmoi mbështetjen e pakushtëzuar të Ministrisë së Mbrojtjes së Republikës së Shqipërisë dhe në veçanti të Forcave të Armatosura të RSH për Ministrinë e Mbrojtjes së Kosovës dhe Forcën për Sigurinë e Kosovës, në veçanti drejt proceseve integruese euroatlantike.
© Ministria e Mbrojtjes 2024 - Të gjitha të drejtat e rezervuara.