Cikli jetësor i efektivave të FA pas mbarimit të karrierës ushtarake

Pjesë e ciklit jetësor të personelit të FA, është edhe periudha e ndjekjes dhe trajtimit të ushtarakëve në rezervë/lirim/pension. Kjo është e mbështetur nga aktet ligjore të statusit të ushtarakut të FA në RSH si dhe nga Ligji  Nr. 10142, datë 15.05.2009 “Për Sigurimin Shoqëror Suplementar të Ushtarakëve të Forcave të Armatosura, të Punonjësve të Policisë së Shtetit, të Gardës së Republikës, të Shërbimit Informativ të Shtetit, të Policisë së Burgjeve, të Policisë së Mbrojtjes nga Zjarri dhe të Shpëtimit e të Punonjësve të Shërbimit të Kontrollit të Brendshëm në Republikën e Shqipërisë”, i ndryshuar, VKM Nr. 793, datë 24.9.2010, i ndryshuar.

Pjesë e ciklit jetësor të personelit të FA, është edhe periudha e ndjekjes dhe trajtimit të ushtarakëve në rezervë/lirim/pension.

Kjo është e mbështetur nga aktet ligjore të statusit të ushtarakut të FA në RSH si dhe nga Ligji Nr. 10142, datë 15.05.2009 “Për Sigurimin Shoqëror Suplementar të Ushtarakëve të Forcave të Armatosura, të Punonjësve të Policisë së Shtetit, të Gardës së Republikës, të Shërbimit Informativ të Shtetit, të Policisë së Burgjeve, të Policisë së Mbrojtjes nga Zjarri dhe të Shpëtimit e të Punonjësve të Shërbimit të Kontrollit të Brendshëm në Republikën e Shqipërisë”, i ndryshuar, VKM Nr. 793, datë 24.9.2010, i ndryshuar.

Sipas nenit 7 të Ligjit  Nr. 10142, datë 15.05.2009,  llojet e përfitimeve suplementare janë përcaktuar si më poshtë: “Personave të përcaktuar në nenin 2 të këtij ligji apo familjeve të tyre u sigurohen përfitime suplementare, mbi ato të përcaktuara në ligjin nr. 7703, datë 11.5.1993 "Për Sigurimet shoqërore në Republikën e Shqipërisë", të ndryshuar, për:

a) paaftësi të përkohshme në punë e shërbim;

b) parandalim për sëmundje;

c) rehabilitim shëndetësor;

ç) shpërblim i menjëhershëm dhe pagesë kalimtare, kur nxirren në lirim/rezervë;

d) pension të parakohshëm për vjetërsi shërbimi;

dh) pension suplementar, mbi pensionin e plotë të pleqërisë;

e) pension suplementar invaliditeti;

ë) pension suplementar familjar;

f) pension suplementar familjar, kur, për shkak të detyrës, humbasin jetën;

g) pagesa suplementare për shpenzime varrimi.

Kategoritë e ushtarakëve që përfitojnë janë:

a) Ushtarakët, të cilët dalin në rezervë dhe përfundojnë, pagesën kalimtare e kanë vjetërsinë në shërbim 12 vjet të plota për femrat dhe 15 vjet të plota për meshkujt  si dhe plotësojnë moshën 42 vjeç për femrat dhe 47 vjeç për meshkujt.

b) Ushtarakët, të cilët kanë dalë në rezervë para datës 27.6.2009, datë e hyrjes në fuqi e ligjit Nr.10142, datë 15.5.2009 dhe kanë përfunduar pagesën kalimtare pas kësaj date si dhe plotësojnë moshën 42 vjeç për femrat dhe 47 vjeç për meshkujt.

c) Ushtarakët, të cilët kanë dalë në lirim para datës 27.6.2009, datë e hyrjes në fuqi e ligjit Nr.10142, datë 15.5.2009 dhe pas kësaj date plotësojnë moshën, 42 vjeç për femrat dhe 47 vjeç për meshkujt.

d) Ushtarakët që kanë qenë në pension suplementar të parakohshëm dhe kanë mbushur moshën për pension pleqërie para datës 27.6.2009, datë e hyrjes në fuqi të Ligjit Nr.10142, datë 15.5.2009.

e) Ushtarakët, të cilët kanë dalë në rezervë dhe kanë përfunduar  pagesën kalimtare dhe plotësuar moshën, 42 vjeç për femrat dhe 47 vjeç për meshkujt para datës 27.6.2009, datë e hyrjes në fuqi e ligjit Nr.10142, datë 15.5.2009.

f) Ushtarakët, të cilët kanë dalë në lirim dhe plotësuar moshën, 42 vjeç për femrat dhe 47 vjeç për meshkujt para datës 27.6.2009, datë e hyrjes në fuqi e ligjit Nr.10142, datë 15.5.2009.

g) Ushtarakët që janë liruar dhe lirohen para dhe pas datës 27.6.2009, datë e hyrjes në fuqi e ligjit Nr.10142, datë 15.5.2009, për arsye shëndetësore të vërtetuara nga komisioni mjeko-ligjor dhe përfitojnë pension suplementar invaliditeti.

h) Familjet e ushtarakëve të vdekur kur kanë qenë dhe janë në detyrë, rezervë, lirim dhe në pension të parakohshëm dhe përfitojnë pension  suplementar familjar.

i) Familjet e ushtarakëve që kanë humbur dhe humbin jetën në detyrë dhe për shkak të saj  përfitojnë pension suplementar familjar.

Vjetërsia në shërbim

Sipas kategorive të përfituesve, është ajo e përcaktuar në ligjet nr.9210, datë 23.3.2004 "Për statusin e ushtarakut të Forcave të Armatosura të Republikës së Shqipërisë",

Në vjetërsinë në shërbim përfshihen edhe:

a) koha e ndërprerjes së karrierës, për shkak të një urdhri apo vendimi të padrejtë, të deklaruar me vendim gjykate;

b) koha e plotë e vuajtjes së dënimit me burgim ose internim, për motive politike, pas titullimit në karrierë, nga personat, që kanë shërbyer në strukturat e përcaktuara në këtë ligj, kur kanë përfituar sipas ligjit nr.7514, datë 30.9.1991 "Për pafajësinë, amnistinë dhe rehabilitimin e ish të dënuarve dhe të përndjekurve politikë".