Bardhyl Kollçaku, gjenerali më i ri i Forcave të Armatosura

e hënë, 31 korrik 2017 18:07

Presidenti i Republikës së Shqipërisë dhe njëkohësisht komandanti i Përgjithshëm i Forcave të Armatosura, z. Ilir Meta ka firmosur sot dekretin për dhënie grade madhore “Gjeneral Brigade”, kolonel Bardhyl Myrteza Kollçaku me detyrë drejtor i Përgjithshëm i "Agjencisë së Inteligjencës dhe Sigurisë së Mbrojtjes” në Ministrinë e Mbrojtjes.

Gjeneral brigade Bardhyl Kollçaku, ka përfunduar studimet në Shkollën e Lartë të Bashkuar dhe është titulluar oficer aktiv në specialitetin “Zbulim”, në vitin 1990. Gjatë karrierës së tij ushtarake ka kryer:
Kolegjin e Lartë për Sigurinë dhe Mbrojtjen;
Kolegjin e Shtabeve të Bashkuara (SHBA);
Kolegjin e Komandës dhe Shtabit (SHBA);
Kursin Themelor të Oficerit të Shtabit;
Master shkencor në Administrim Publik;
Doktoraturë në fushën e Mbrojtjes, pranë Akademisë së Mbrojtjes, Tiranë;
Kursin e Lartë Ndërkombëtar të Menaxhimit të Mbrojtjes (SHBA);
Kursin Ekzekutiv të Sigurisë në Qendrën Marshall;
Kursin Ndërkombëtar të Oficerit për Taktikë dhe Inteligjencë (SHBA);
Kursin e Shërbimit Informativ;
Kursin Special për Oficerin e Zbulimit (Turqi) si edhe
Kursin e Forcave Speciale.

Gjeneral brigade Kollçaku ka kryer detyra të ndryshme si:
drejtor i Drejtorisë së Planifikimit dhe Monitorimit të Mbrojtjes në Shtabin e Përgjithshëm të FA,
drejtor i Drejtorisë së Politikave Strategjike në Ministrinë e Mbrojtjes,
drejtor i Integrim - Koordinimit PfP në SHAPE, NATO,
shef kabineti në Shtabin e Përgjithshëm të FA,
komandant i Batalionit të Dytë të Këmbësorisë në Brigadën e Reagimit të Shpejtë si dhe detyra të tjera në strukturat e FA.