Mbrojtja Civile, AKMC shpall thirrjet e aplikimit për njësitë e qeverisjes vendore për paraqitjen e projekteve

e premte, 25 tetor 2024 08:00

Agjencia Kombëtare e Mbrojtjes Civile (AKMC) shpall thirrjen e aplikimit për të gjitha njësitë e qeverisjes vendore, për paraqitjen e projekteve në kuadër të Mbrojtjes Civile.

Tre fushat në të cilat Agjencia Kombëtare e Mbrojtjes Civile u kërkon bashkive në të gjithë vendin që të paraqesin projektet e tyre janë:

1. Investimet në infrastrukturë, ku do të pranohen projektet me një shumë totale financiare jo më të lartë se 100.000.000 lekë. Thirrja në këtë fushë përfshin edhe urat Bailey;
2. Blerja e automjeteve për përdorim të veçantë, makineri teknologjike dhe mjete rrugore të veçanta, të përcaktuara si të tilla sipas parashikimeve të Kodit Rrugor të Republikës së Shqipërisë; Këto mjete do të përdoren për përballimin e situatave emergjente të krijuara si pasojë e fatkeqësive natyrore;
3. Rehabilitimi i digave, ku kostoja totale e projektit nuk duhet të kalojë shumën prej 50.000.000 lekësh;

Thirrja bëhet për projekte të reja dhe projekte ekzistuese, ndërsa Ministria e Mbrojtjes dhe AKMC gjatë ditëve në vazhdim do të zhvillojnë takime informuese me drejtuesit e 12 qarqeve duke evidentuar edhe problematikat në të gjitha zonat me risk të lartë.

Ministria e Mbrojtjes rrit në këtë mënyrë vigjilencën dhe Mbrojtjen Civile në të gjithë vendin, pasi me këtë thirrje të adresuar njësive vendore synon njëkohësisht forcimin e strukturave lokale për të përballuar me sukses rastet e emergjencave.

Afati i fundit për paraqitjen e projekteve pranë Agjencisë Kombëtare të Mbrojtjes Civile është data 25 nëntor 2024.

Aplikimi mund të kryhet nëpërmjet faqes zyrtare të Ministrisë së Mbrojtjes në linket e mëposhtëm:

1. Investimet në infrastrukturë ndiqni linkun për aplikim
2. Blerja e automjeteve për përdorim të veçantë, makineri teknologjike dhe mjete rrugore të veçanta ndiqni linkun për aplikim
3. Rehabilitimi i digave ... ndiqni linkun për aplikim

----------

e-mail: This email address is being protected from spambots. You need JavaScript enabled to view it.