Shqipëria 17 vjet në NATO

Shqipëria shënoi 17-vjetorin e anëtarësimit në NATO.

Në një ceremoni të zhvilluar në Garnizonin e Zall Herrit, ministri i Mbrojtjes, Ermal Nufi, vlerësoi progresin e bërë gjatë këtyre viteve, duke theksuar se Shqipëria ka fituar besimin e aleatëve dhe ka ndërtuar një profil të qëndrueshëm brenda Aleancës.

Ai u shpreh se vendi duhet të ndihet krenar për profesionalizmin dhe përkushtimin e grave dhe burrave në uniformë, të cilët përfaqësojnë Shqipërinë me dinjitet në misionet ndërkombëtare. Sipas tij, Shqipëria vijon të jetë një faktor stabiliteti në rajon, duke qëndruar përkrah aleatëve dhe duke ecur në të njëjtin hap me NATO.

Shefi i Shtabit të Përgjithshëm të Forcave të Armatosura, gjenerallejtënant Arben Kingji, theksoi rëndësinë historike të anëtarësimit dhe rolin aktiv të vendit në operacionet e përbashkëta, duke nënvizuar përkushtimin e vazhdueshëm të Shqipërisë ndaj vlerave dhe detyrimeve të Aleancës.