Karta e Adriatikut (A-5)

Vendet e të ashtuquajturit Ballkani Perëndimor: Shqipëria, Kroacia dhe Maqedonia, si vende anëtare të partneritetit për paqe (PfP) dhe të Këshillit Euroatlantik të Partneritetit (EAPC), pas Samitit të Pragës të vitit 2002, vendosën të ndiqnin të njëjtën rrugë që ndoqën në mënyrë të suksesshme vendet Baltike, të quajtura “Grupi i Vilnusit”. Bashkëpunimi ndërmjet tre vendeve aspirantë për t’u anëtarësuar në NATO, së bashku me SHBA si pjesë e Kartës së A-3, kishte një synim të vetëm: futjen e vendeve aspirantë në NATO. Krijimi i grupit të A-3, është pjesë e vizionit për të integruar gjithë rajonin në Aleancën e NATO, pasi të ishin plotësuar të gjitha kushtet e kërkuara. Në procesin e pranimit të vendeve të A-3 në Aleancë, SHBA si një partner strategjik dhe vende të tjera anëtare të NATO si këshillues specialë, realizuan një mbështetje të rëndësishme për të promovuar këtë formë të re të bashkëpunimit midis vendeve.

Lexo më shumë...



SEDM, roli, dinamika, angazhimi dhe shtrirja e tij në Europën Juglindore

Southeastern European Defense Ministerial (SEDM) vazhdon të jetë prova e gjallë e urave të konsoliduara të bashkëpunimit dhe të miqësisë, të cilën kemi qenë të aftë ta ndërtojmë nëpërmjet përforcimit të dëshirës së mirë dhe vizionit të përbashkët.
SEDM ose ndryshe procesi i angazhimit të vendeve të Europës Juglindore në nivel Ministerial, paraqet një proces të integrimit dhe të bashkëpunimit në fushat e sigurisë dhe të mbrojtjes rajonale. I themeluar në vitin 1996 në Tiranë, me pjesmarrjen e gjithë vendeve të Europës Juglindore dhe SHBA, SEDM sot shpreh realisht suksesin e bashkëpunimit dhe integrimt rajonal.
Në këtë proces marrin pjesë anëtarë si: Shqipëria, Bosnja-Hercegovina, Bullgaria, Kroacia, Greqia, Italia, ish-Republika Jugosllave e Maqedonisë, Mali i Zi, Rumania, Sllovenia, Serbia, Turqia, Ukraina dhe SHBA. Me statusin e vëzhguesit janë Moldavia dhe Gjeorgjia.  
Vendet Anëtare: Shqipëri, Bosnje-Herecegovinë, Bullgari, Greqi, Itali, Kroaci, ish-Republika Jugosllave e Maqedonisë, Mali i Zi, Rumani, Turqi, Slloveni, Serbi, Ukraina, SHBA

Vendet Vëzhguese: Gjeorgji, Moldavi 

Lexo më shumë...



SEEBRIG

Elementi më përfaqësues i procesit të SEDM padyshim është Iniciativa e MPFSEE. MPFSE ose e njohur ndryshe si Forca Shumëkombëshe Paqeruajtëse e Europës Juglindore (SEEBRIG) përbëhet nga 7 vende anëtare: Shqipëria, Bullgaria, Greqia, Italia, Ish-Republika Jugosllave e Maqedonisë, Rumania dhe Turqia ndërsa pesë vendet vëzhguese janë: SHBA, Ukraina, Bosnja-Hercegovina, Sllovenia dhe Kroacia. Për herë të parë në korrik 2009, brigada shumëkombëshe paqeruajtëse e Europës Juglindore (SEEBRIG) drejtohej nga një gjeneral shqiptar, gjeneral brigade Zyber Dushku, për një mandant 2 vjeçar (2009-2011). Aktualisht kjo brigadë drejtohet nga gjeneral brigade Zdravko Popovski, nga  Ish- Republika Jugosllave e Maqedonisë.

Vendet anëtare të MPFSEE janë Shqipëria, Bullgaria, Greqia, Italia, Maqedonia, Rumania, Turqia.

Lexo më shumë...



Qendra për Bashkëpunim të Sigurisë (RACVIAC)

Statusi ligjor - Marrëveshja e RACVIAC për anëtarësimin e Shqipërisë, është ratifikuar nga Kuvendi i Shqipërisë me Ligjin Nr. 10326, datë 30.09.2010. Qendra ka pronësi rajonale dhe është një organizatë ndërkombëtare me status diplomatik, jo-fitimprurëse, akademike, e përgjegjshme për vendimet e saja politike e drejtuar nga Grupi Ndërkombëtar Këshillimor (MAG).

MAG - Grupi Ndërkombëtar Këshillimor është komiteti drejtues për RACVIAC, i përbërë nga shtete anëtare, të asociuara dhe vëzhguese. MAG ofron drejtimin dhe monitorimin e veprimtarisë të RACVIAC, në përputhje me vendimet e miratuara nga vetë anëtarët. Kryesuesi i MAG zgjidhet nga shtetet anëtare për një periudhë një vjeçare. MAG mblidhet dy herë në vit.

Link: http://www.racviac.org/



Artikuj nga Newsroom