Njoftim për studime ushtarake në SHBA

Në kuadër të bashkëpunimit dypalësh me Shtetet e Bashkuara të Amerikës, në fushën e arsimimit, Ministrisë së Mbrojtjes i është ofruar mundësia për të ndjekur studimet ushtarake në “Programin ndërkombëtar të luftës kundër terrorizmit në Universitetin Kombëtar të Mbrojtjes”, i cili është planëzuar të zhvillohet në periudhën 19.08.2014 – 19.06.2015, në Shtetet e Bashkuara të Amerikës.

Përshkrimi: Programi Ndërkombëtar i Luftës kundër Terrorizmit në Universitetin Kombëtar të Mbrojtjes është pjesë e programit rajonal të luftës kundër terrorizmit. Ky program ka një shtrirje akademike 10 mujore dhe iu ofron studentëve një perspektivë strategjike mbi ndryshimet e mjedisit global të sigurisë. Kandidaturat për këtë program duhet të jenë oficerë me gradë nënkolonel-kolonel ose civilë ekuivalent, me një eksperiencë pune jo më pak se 15 vjet. Është e këshillueshme pasja e një diplome universitare pasi ky program të ofron diplomë të nivelit master.

Kriteret:

Niveli i gjuhës → anglisht (ECL) 90 pikë; TOEFL 83 pikë;

Grada → nënkolonel-kolonel / civil ekuivalent

Të tjera → Kandidatët e propozuar të kenë objekt të punës përshkrimin e kursit.

Afati për aplikim është deri më datë 13.03.2014.