26 - 27 tetor 2016
Takimi i ministrave të Mbrojtjes së vendeve të NATO konkludoi në dy ditë bisedimesh, 26 dhe 27 tetor, në Bruksel. Në përfundim të punimeve, sekretari i Përgjithshëm i NATO z. Stoltenberg tha: “Në këto dy ditë analizuam sfidat e ndryshme me të cilat NATO përballet, u njohëm dhe vlerësuam arritjet që nga Samiti i Varshavës dhe shënuam rrugën që do të përshkruajmë. Jemi të bashkuar si kurrë më parë në vendosmërinë për të mbrojtur qytetarët tanë.”
Në ditën e parë të takimit, ministrat e Mbrojtjes të NATO trajtuan dhe morën vendime mbi forcimin e mbrojtjes kolektive të NATO. Në ndërhyrjen e saj mbi këto çështje, znj. Kodheli nënvizoi se Shqipëria mbetet e angazhuar të materializojë vendimet e marra në Samitin e Varshavës, për një mbrojtje moderne dhe efikase të NATO.
Ministrja Kodheli zhvilloi një takim dypalësh me homologun e saj kanadez, z. Harjit Singh Sajjan. Në fokus të takimit ishte grup - batalioni i udhëhequr nga Kanadaja në Letoni dhe kontributi ynë në të.
Lexo më shumë
Përpjekjet e NATO për të projektimi i stabilitetit përtej kufijve tësaj është një nga temat kryesore të Takimit të ministrave të Mbrojtjes të vendeve të NATO. Në këtë prizëm, ministrat e Mbrojtjes u ndalën në aktivitetet detare në detin Mesdhesi edhe në iniciativën e NATO për krijimin e kapaciteteve të mbrojtjes dhe trajnimit në Irak, etj.
Lexo më shumë
