Konferenca e 27-të e Shefave të Shtabit të Përgjithshëm të Kartës së Adriatikut

Në datat 17 - 19 shtator 2024, u zhvillua në Tiranë Konferenca e 27-të e Shefave të Shtabit të Përgjithshëm të Iniciativës SHBA – Karta e Adriatikut (A-5).
Konferenca u bashkëkryesua nga shefi i Shtabit të Përgjithshëm të FARSH gjeneralmajor Arben Kingji dhe komandanti i Komandës Amerikane në Evropë, gjeneral Christopher Cavoli.

Deklarata e Shefave të Mbrojtjes së Iniciativës SHBA-Karta e Adriatikut: Qëllim kryesor, integrimi i të gjitha vendeve aspirante të Evropës Juglindore në NATO

Në përfundim të punimeve të Konferencës së 27-të, Shefat e Mbrojtjes së Iniciativës SHBA-Karta e Adriatikut (A5) miratuan edhe Deklaratën e Përbashkët, ku riafirmohet angazhimi për të qëndruar së bashku kundër luftës së paligjshme, të pajustifikueshme dhe të paprovokuar të agresionit të Rusisë kundër Ukrainës, e cila ka shkatërruar paqen dhe stabilitetin në zonën euroatlantike dhe ka dëmtuar rëndë sigurinë në rajonin tonë dhe globalisht.

Mbahet në Tiranë Konferenca e 27-të të Shefave të Shtabit të Përgjithshëm të Iniciativës SHBA - Karta e Adriatikut, ministri Vengu: Shqipëria e palëkundur në garantimin e paqes dhe sigurisë

Ky takim i rëndësishëm i përfaqësuesve më të lartë ushtarakë të vendeve të Iniciativës SHBA - Karta e Adriatikut u përshëndet edhe nga presidenti i Republikës, njëherësh komandant i Përgjithshëm i Forcave të Armatosura Bajram Begaj, ministri i Mbrojtjes Pirro Vengu, komandanti Suprem i Forcave Aleate në Evropë, njëherësh komandant i Forcave Amerikane në Europë gjeneral Christopher G. Cavoli dhe shefi i Shtabit të Përgjithshëm të FA gjeneralmajor Arben Kingji.



Summit i NATO Uashington

nato 75 vjet article

9-11 korrik 2024

Më 9-11 korrik, udhëheqësit e NATO-s u takuan në Uashington, D.C., pikërisht në vendin ku në vitin 1949 Traktati i Atlantikut të Veriut – dokumenti themelues i NATO – u nënshkrua.

Ata u mblodhën për të përkujtuar 75 vjetorin e NATO-s dhe morën vendime të rëndësishme për të vendosur drejtimin strategjik për të ardhmen e Aleanca.

Samiti i NATO-s, ministri Peleshi takim me ndihmëssekretaren për Politikën e Mbrojtjes dhe të Jashtme në DASH, znj. Jessica Lewis

Ministri i Mbrojtjes Niko Peleshi zhvilloi gjatë Samitit të NATO, në Uashington një takim me znj. Jessica Lewis, ndihmëssekretare për Politikën e Mbrojtjes dhe të Jashtme, në Departamentin Amerikan të Shtetit.
Z. Peleshi siguroi znj. Lewis për angazhimin e Shqipërisë për të përmbushur të gjitha detyrimet që Ministria e Mbrojtjes dhe Forcat e Armatosura kanë në projektet e përbashkëta, të listuara në dokumentin “Lines of Efforts 2023-2027”, dokument ky i nënshkruar në shtatorin e vitit të kaluar në Tiranë, në përfundim të bisedimeve dypalëshe SHBA-Shqipëri në fushën e Sigurisë dhe Mbrojtjes.

Gjatë takimit u diskutua edhe për projektet e Korridorit VIII, Porto Romanos dhe rijetësimit të industrisë ushtarake. Në lidhje me këtë të fundit ministri Peleshi theksoi ofertën për bashkëpunim drejtuar firmave të mëdha amerikane që operojnë në këtë fushë.

Nga ana e saj, znj. Lewis rikonfirmoi mbështetjen e Shteteve të Bashkuara për Shqipërisë, aleatit strategjik të vendit tonë dhe një nga partnerët më të besueshëm në Ballkan.

Shqipëria, Italia, Bullgaria dhe Maqedonia e Veriut nënshkruajnë në Uashington dokumentin për Lëvizshmërinë Ushtarake përgjatë Korridorit VIII

Ministri i Mbrojtjes Niko Peleshi nënshkroi gjatë punimeve të Samitit të NATO-s në Uashington, Letrën e Qëllimit për Sigurimin e Lëvizshmërisë Ushtarake përgjatë Korridorit VIII pan-Evropian, me homologët e tij të Italisë, Bullgarisë dhe Maqedonisë së Veriut.
Letra e Qëllimit do të rrisë vizibilitetin e projekteve të përbashkëta si dhe rëndësinë gjeostrategjike të tyre për të gjithë rajonin.



Vijnë në Shqipëri dy helikopterët e parë Black Hawk

Shqipëria ka pritur dy helikopterë Black Hawk një investim i rëndësishëm për Forcat e Armatosura. Ky veprim, i cilësuar si historik, ka mbështetje financiare prej mbi 50 milionë dollarë nga fondet e ndihmës së SHBA.
Ministri i Mbrojtjes Niko Peleshi, e vlerësoi si një hap të rëndësishëm për modernizimin e Forcës Ajrore, ndërsa kryeministri Edi Rama theksoi bashkëpunimin e ngushtë me partnerin strategjik, SHBA dhe ndikimin pozitiv në zhvillimin e kapaciteteve ushtarake të vendit.



11 vende të lira pune; Peleshi thirrje ekspertëve: Aplikoni!

Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e Inovacionit të Sigurisë dhe Mbrojtjes.

Peleshi theksoi bashkëpunimin e qendrës me rrjetin e qendrave të inovacioni të NATO dhe SHBA.
Ministri inkurajoi të rinjtë të aplikojnë duke përmendur pagat konkurruese dhe mundësitë për rritje në karrierë, ndërkohe që shprehu synimin për të ndërtuar një komunitet të fortë inovativ në fushën e Mbrojtjes Civile.



Direktiva e Mbrojtjes 2025

Në një mjedis gjeopolitik në ndryshim konstant, ku lufta konvencionale është rikthyer në Evropë, ndërsa kërcënimet hibride bëhen gjithnjë e më agresive në rajonin tonë, qeveria shqiptare do të vijojë të dedikojë burime njerëzore dhe financiare në rritje për modernizimin e kapaciteteve mbrojtëse, duke respektuar dhe angazhimet e ndërmarra në Aleancën e Atlantikut të Veriut.

Përgjatë vitit 2025 Forcat e Armatosura të RSH dhe të gjitha agjencitë e Ministrisë së Mbrojtjes do të vijojnë rritjen e kapaciteteve dhe të gatishmërisë në të gjithë spektrin e luftimit, sikundër dhe fuqizimin e mekanizmave të Mbrojtjes Civile.

Direktiva e Mbrojtjes 2025 ka të bëjë me krijimin e një sistemi mbrojtjeje më modern, të aftë dhe më fleksibël që përputhet me detyrimet e Shqipërisë në NATO dhe BE, si dhe kontribuon në sigurinë rajonale dhe globale.

Kjo direktivë mbështet fuqizimin e instrumentit ushtarak në harmoni me instrumentet e tjera të aftësive reaguese kombëtare, në përputhje me të gjithë dokumentet planëzuese, si dhe me qëllimin strategjik të rijetësimit të industrisë ushtarake në vend.

Direktiva e Mbrojtjes 2025 në format pdf

 

 

Direktiva e Mbrojtjes 2025 në format pdf

Direktiva e Mbrojtjes 2024 në format pdf

Direktiva e Mbrojtjes 2023 në format pdf

Direktiva e Mbrojtjes 2022 në format pdf

Direktiva e Mbrojtjes 2021 në format pdf

Direktiva e Mbrojtjes 2020 në format pdf

Direktiva e Mbrojtjes 2019 në format pdf

Direktiva e Mbrojtjes 2018 në format pdf

Direktiva e Mbrojtjes 2017 në format pdf

Direktiva e Mbrojtjes 2016 në format pdf

Direktiva e Mbrojtjes 2015 në format pdf

Direktiva e Mbrojtjes 2014 në format pdf

Direktiva e Mbrojtjes 2013 në format pdf

Direktiva e Mbrojtjes 2012 në format pdf



Ministeriali i Mbrojtjes i vendeve të NATO, Bruksel

Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës. Ai gjithashtu shprehu përkushtimin e Shqipërisë për zbatimin e vendimeve në Samitin e Vilnusit.

Në vëmendje të Ministerialit të Ministrave të Mbrojtjes të vendeve të NATO-s ishte edhe mbështetja e palëkundur për Ukrainën, në përpjekjet e saj kundër agresionit rus. Përsa i përket konfliktit në Lindjen e Mesme, aleatët shprehën solidaritetin e tyre me Izraelin, duke dënuar njëzëri sulmet, pengmarrjen dhe vrasjen e civilëve për shkak të sulmeve të Hamasit.



28 Janari është Dita e Mbrojtjes së të Dhënave Personale dhe në botë njihet si Dita e Privatësisë – Privacy Day

28janar23

28 janari përkon me miratimin në vitin 1981 nga Këshilli i Evropës të Konventës 108 “Për mbrojtjen e individëve në lidhje me përpunimin automatik të të dhënave personale”. Vendi ynë e ka përfshirë në legjislacionin kombëtar këtë dokument me miratimin e ligjit nr. 9288/2004. Konventa është modernizuar në maj të vitit 2018 (Konventa 108+) me aprovimin e Protokollit CETS No. 223, i cili u nënshkrua në 28 janar 2022 edhe nga Shqipëria dhe është bërë pjesë e legjislacionit nëpërmjet ligjit 49/2022.

Lexo më shumë...



Artikuj nga Newsroom