Ministeriali Gjithëpërfshirës Rajonal

14 – 16 tetor 2014

Ministeriali Gjithëpërfshirës Rajonal që u mbajt në  Budva të Malit të Zi (14 – 16 tetor 2014) ishte një format me 3 evente:
më 14 tetor - drejtorët e Politikave të Mbrojtjes për Balkanin Perëndimor (Western Balkans Defence Policy Directors - WBDPD),
më 15 tetor - Ministeriali i Mbrojtjes US – Karta e Adriatikut A5 (US – Adriatic Charter), i kryesuar nga Shqipëria
më 16 tetor - Ministeriali i Mbrojtjes i vendeve të Europës Juglindore (South-Eastern Europe Defence Ministerial -SEDM), i kryesuar nga Romania.

Lexo më shumë...

"Shqipëria europiane, destinacion brenda nesh" - Raport Publik për 300 ditët e para të qeverisjes

14 korrik 2014

Dialog, përgjegjshmëri, partneritet…Me këto tre fjalë mbyllet raporti publik i 100-ditëve të para të qeverisjes së Aleancës për Shqipërinë europiane. I paraqitëm në atë raport si tre fjalët kyçe të qasjes sonë të re qeverisëse dhe besojmë se 300 ditët e para të qeverisjes treguan se ne dimë të ndjekim vizionin tonë.
Dimë ta jetësojmë atë dhe të bëjmë atë çfarë themi, e të themi atë çfarë bëjmë.

Lexo më shumë...

Forcat e Armatosura në pastrimin e territorit

e shtunë, 08 shkurt 2014

Menjëherë pas vendimit të marrë nga Komisioni Ndërministror për shpalljen e emergjencës civile për gjendjen e mjedisit, Ministria e Mbrojtjes dhe Shtabi i Përgjithshëm i Forcave të Armatosura u angazhuan në zonën Lezhë-Shkodër në akset nacionale si: Hani i Hotit - Shkodër; Muriqan - Shkodër; Ura e Bunës - Shirokë; Shkodër – Lezhë - Milot. Gjatë kësaj dite nga puna e efektivëve të Forcave të Armatosura janë pastruar 76 km rrugë dhe mbetjet e nxjerra janë transportuar me mjetet e FA për në vendgrumbullimet e tyre.

Lexo më shumë...

Ministeriali i Mbrojtjes i NATO në Bruksel

26 - 27 shkurt 2014

Ministrat e Mbrojtjes të vendeve anëtare të NATO ranë dakort të mërkurën (më 26 shkurt) të çojnë përpara planet për të përmirësuar ato kapacitete të Mbrojtjes që janë parësore përsa i përket sfidave të ardhme mbi Sigurinë. Sekretari i Përgjithshëm i NATO z.Anders Fogh Rasmussen tha: "Nga operacionet tona përfshirë këtu edhe Libinë e Afganistanin, kemi identifikuar fushat ku kapacitetet tona kanë mangësi, apo që shumë pak vende i kanë ato kapacitete".

Gjatë ditës së parë të punimeve, ministrja e Mbrojtjes, znj. Mimi Kodheli, theksoi edhe një herë angazhimin e Shqipërisë si anëtare e Aleancës në të gjithë dimensionet, në shërbim të sigurisë globale dhe në kuadër të përpjekjeve të përbashkëta për një organizatë sa më të fortë dhe eficente.

Lexo më shumë...

Vizitë zyrtare e ministres Kodheli në Turqi

12-13 shkurt 2014

Ministrja e Mbrojtjes, znj. Mimi Kodheli, zhvilloi një vizitë zyrtare dyditore në Ankara, Turqi, me ftesë të homologut të saj, ministrit të Mbrojtjes së Turqisë, z. Ismet Yilmaz

12 shkurt 2014

Në takim u nënvizua niveli shumë i mirë i marrëdhënieve mes dy vendeve tona, si dhe u diskutua për gjetjen e potencialeve për t’i çuar ato më tej. Ministri turk i Mbrojtjes tha se, Turqia e shikon Shqipërinë si një partnere të rëndësishme dhe aleat të madh të saj. Në këtë kontekst, në emër të qeverisë turke z. Yilmaz siguroi ministren Kodheli për mbështetjen e padiskutueshme të Turqisë për Shqipërinë për marrjen e statusit të vendit kandidat për BE.
Në Turqi janë arsimuar dhe kualifikuar 2500 studentë ushtarakë shqiptarë që nga viti 1992 e në vazhdim, ndërsa aktualisht në këtë vend studiojnë 86 të tjerë.

Lexo më shumë...

Raporti vjetor i sekretarit të Përgjithshëm përcakton prioritetet për t'i dhënë formë “NATO të së ardhmes”

“Investimi në kapacitetet e duhura, ruajtja e forcave të lidhura, si dhe thellimi dhe zgjerimi i bashkëpunimit me vendet partnere janë thelbësore për t'i dhënë formë një NATO që është në gjendje të përmbushë sfidat e të ardhshmes”, - tha sekretari i Përgjithshëm i NATO, z. Anders Fogh Rasmussen në fillim të raportit të tij vjetor, të hënën më datë 27 janar 2014. “Në shtator, ne do të takohemi në Uells për të formësuar NATO e së ardhmes: një Aleancë që është e fortë, e ribalancuar dhe e gatshme të ofrojë siguri për gjeneratën e ardhshme”, shtoi sekretari i Përgjithshëm.

Lexo më shumë...