Në datat 27-31 tetor 2014 ministrja e Mbrojtjes Mimi Kodheli zhvilloi një vizitë zyrtare në SHBA me ftesë të sekretarit amerikan të Mbrojtjes z. Chuck Hagel. Gjatë kësaj vizite intensive ministrja Kodheli zhvilloi takime në Gardën Kombëtare të Nju Xhersit, Këshillin Atlantik, Departamentin e Shtetit dhe atë të Mbrojtjes. Në mbyllje të vizitës së saj në SHBA, ministrja Kodheli dha dhe një intervistë për “Zërin e Amerikës”.
29 tetor 2014
Në ditën e parë të kësaj vizite ministrja Kodheli zhvilloi një takim me shefin e Shtabit të Gardës Kombëtare të Nju Xhersit, gjeneral brigade James Grant dhe dha një leksion në Këshillin e Atlantikut, ku foli mbi ndikimin në rajonin e Ballkanit Perëndimor të kërcënimeve në pjesën lindore dhe juglindore të kufijve të Aleancës.
Për më tepër ndiqni linkun: Ministrja e Mbrojtjes Kodheli vizitë zyrtare në SHBA
***
30 tetor 2014
Në ditën e dytë të vizitës në SHBA ministrja e Mbrojtjes, znj. Mimi Kodheli zhvilloi një takim me ndihmëssekretaren e Departamentit të Shtetit për Rusinë, Ukrainën dhe Euroazinë, znj. Victoria Nuland. Znj. Nuland e falënderoi ministren Kodheli për kontributin e dhënë në ndihmë të peshmergave në Irak.
Për më tepër ndiqni linkun: Ministrja Kodheli takon ndihmëssekretaren e Departamentit të Shtetit, Victoria Nuland
***
Në vijim të vizitës së saj ministrja e Mbrojtjes znj. Mimi Kodheli zhvilloi një takim zyrtar me sekretarin amerikan të Mbrojtjes z. Chuck Hagel. Ministrja Kodheli e njohu sekretarin Hagel me reformat e ndërmarra deri tani dhe me angazhimet e përbashkëta në kuadër të Aleancës. Gjatë takimit u bisedua për edukimin dhe trajnimin e ushtarakëve shqiptarë në sistemin arsimor ushtarak amerikan.
Për më tepër ndiqni linkun: Ministrja Kodheli u prit në një takim nga sekretari amerikan i Mbrojtjes z. Chuck Hagel
***
31 tetor 2014
Në mbyllje të vizitës që zhvilloi në SHBA, ministrja e Mbrojtjes znj. Mimi Kodheli dha edhe një intervistë për radiotelevizionin zyrtar të qeverisë amerikane, “Zërin e Amerikës”.
Për më tepër ndiqni linkun: Intervista e ministres së Mbrojtjes, znj. Mimi Kodheli dhënë për “Zërin e Amerikës
