14 – 16 tetor 2014
Ministeriali Gjithëpërfshirës Rajonal që u mbajt në Budva të Malit të Zi (14 – 16 tetor 2014) ishte një format me 3 evente:
më 14 tetor - drejtorët e Politikave të Mbrojtjes për Balkanin Perëndimor (Western Balkans Defence Policy Directors - WBDPD),
më 15 tetor - Ministeriali i Mbrojtjes US – Karta e Adriatikut A5 (US – Adriatic Charter), i kryesuar nga Shqipëria
më 16 tetor - Ministeriali i Mbrojtjes i vendeve të Europës Juglindore (South-Eastern Europe Defence Ministerial -SEDM), i kryesuar nga Romania.
15 tetor 2014
Ministrja e Mbrojtjes e Republikës së Shqipërisë, znj. Mimi Kodheli drejtoi ministerialin, pasi vendi ynë mban presidencën e radhës.
Ministrja e Mbrojtjes Kodheli falënderoi të pranishmit, përfaqësues të vendeve anëtare të Aleancës, vendeve aleate, si dhe SHBA për mbështetjen e vazhdueshme që i kanë dhënë kësaj nisme të rëndësishme rajonale.
Duke u ndalur te temat e diskutimit të këtij ministeriali, znj. Kodheli tha se bashkëpunimi rajonal në fushën e Sigurisë dhe Mbrojtjes përballë kërcënimeve të ndryshme është shumë i rëndësishëm për vendet tona. Lexo më shumë
******
16 tetor 2014
Tema kryesore e diskutimit në këtë takim ishte forcimi i bashkëpunimit midis vendeve pjesëmarrëse në këtë nismë në funksion të stabilitetit dhe sigurisë së rajonit përballë zhvillimeve të rëndësishme gjeopolitike.
Ministrja Kodheli gjatë këtij ministeriali zhvilloi edhe disa takime dypalëshe.
Fillimisht ajo u takua me zëvendësasistenten e sekretarit amerikan të Mbrojtjes për Euro - Azinë, znj. Evelyn N. Farkas.
Znj. Kodheli pati një takim me znj. Milica Pejanović - Đurišić, ministre e Mbrojtjes të Malit të Zi.
Gjithashtu Ministrja Kodheli pati një takim edhe me ministrin e Forcës së Sigurisë së Kosovës, z. Agim Çeku.
Ministrja Kodheli pati një takim të veçantë edhe me ministrin turk të Mbrojtjes, z. İsmet Yılmaz. Lexo më shumë
© Ministria e Mbrojtjes 2024 - Të gjitha të drejtat e rezervuara.