Dita Ndërkombëtare për Zvogëlimin e Rreziqeve nga Fatkeqësitë

Agjensia Kombëtare e Mbrojtjes Civile (AKMC) ka organizuar në bashkëpunim me Kryqin e Kuq Kombëtar, prefekturat, bashkitë dhe Ministrinë e Arsimit dhe atë të Shëndetësisë një aktivitet - si një ditë ndryshe me një vizion të qartë për të mirën publike - në kuadër të “Ditës Ndërkombëtare për Zvogëlimin e Rreziqeve nga Fatkeqësitë”.

13 Tetori është “Dita ndërkombëtare për zvogëlimin e rreziqeve nga fatkeqësitë”, një ditë së cilës i kushtohet tepër rëndësi, veçanërisht nga shtetet anëtare të OKB.

Me këtë rast Agjencia Kombëtare e Mbrojtjes Civile në bashkëpunim me Kryqin e Kuq Shqiptar, Ministrinë e Arsimit, të Shëndetësisë dhe perfekturat, kanë bashkërenduar një aktivitet-zinxhir, në kuadër të ndërgjegjësimit dhe informimit të komunitetit në fushën e Mbrojtjes Civile.

Këto aktivitete do të zhvillohen në shkolla të mesme dhe 9 - vjeçare, si dhe sheshe të hapura në rrethet si Tiranë, Durrës, Dibër, Shkodër, Kukës, Lezhë, Elbasan, Korçë, Berat, Fier, Vlorë, Gjirokasër etj., për të përcjellë tek brezat e rinj një kulturë ndërgjegjësuese ndaj zvogëlimit të rreziqeve nga fatkeqësitë, me një theks të veçantë tek vullnetarizmi.

Aktivitetet gjatë ditës do të vijojnë me diskutime të hapura dhe shpërndarjen e broshurave informuese pranë tendave në sheshe, në prani të përfaqësuesëve të arsimit, shëndetësisë, pushtetit vendor, AKMC-së etj., ku do jepet informacioni i nevojshëm për qytetarët.

Duhet theksuar që Shqipëria ka qenë së fundmi një rast unik në përballjen e fatkeqësive të ndryshme që e kanë goditur në të njëjtën kohë, si p.sh: tërmetet e përsëritura, zjarret dhe pandemia COVID-19. Qeveria shqiptare është angazhuar për ta përballuar me sa më shumë efikasitet këtë situate, ku më poshtë vijojnë shembujt e disa zhvillimive:

1. Miratimi i ligjit nr 45/19 për Mbrojtjen Civile dhe akteve të tjera nënligjore në funksion të këtij ligji.
2. Investimi prej 1 milion euro për ngritjen e Qëndës Kombëtare Operacionale të Emergjencave Civile me të gjitha standartet.
3. Investim prej 3 milion euro për ndërtimin e godinës sipas të gjitha standarteve europiane për AKMC-në.
4. Investim prej 30 milion euro në ngritjen e të gjitha kapaciteteve të strukturave së mbrojtjes civile në rang kombëtar, me mjete, trajnime dhe paisje profesionale.
5. Projektime dhe investime të tjera në kuadër të parandalimit nga fatkeqësitë natyrore, me fokus të veçantë përmbytjet.

Në vëmëndje të kësaj dite të veçantë ja vlen të përmendet vizioni i qartë që lidhet me politikat për ngritjen e Sistemit të Mbrojtjes Civile dhe Reduktimit të Riskut ndaj Fatkeqësive.